Yadda Ake Cin Gajiyar ‘Google Drive’ Wajen Amfani Da Kwanfuta

Menene Google Drive?

Google Drive wata ma’ajiya ce da kamfanin google suka tanadarwa duk wanda ya mallaki account din ‘Gmail’ kuma kyauta ne. G-dribe ya kan ba da damar ajiya na kimanin wurin ajiya (storage space) 15GB kuma ya tsare maka shi, wato ya ba da tsaro (security) ingantacce. Ya kan iya adana bayanai iri-iri, kama daga rubutu (document), murya (audio), hotuna (pictures) da kuma bidiyo (bideo).

Yaya Google Drive Yake?

Mafi yawancin wayar hannu kirar (smartphones) tana zuwa da shi kuma kyauta yake a cikinta. Idan aka duba wayar da kyau cikin natsuwa za a ga application din me suna dribe kamar yadda yake a hoto.

Idan ba a samu ba, sai a sauke shi, wato a yi download daga google playstore, zai sauke shi cikin a wayarka. Sai a bude shi, za a ga wadannan abubuwa;

Sune kamar haka:

1) Folder

2) Upload

3) Scan

4) Google Docs

4) Google Sheets

5) Google Slides

Yaya Ake Ajiya A Google Dribe?

Yadda ake ajiya a google dribe shi ne, da farko za ka bude upload, nan take zai bude maka local storage, wato abubuwan dake cikin wayarka (memory). Da zarar ya bude, sai a zabi abin da ake so a ajiye din. Shafi wanda yake dauke da abubuwan da aka ajiye a cikinsa zai bayyana.

Shikenan an yi ajiya a cikin google drive din, duk lokacin da ake bukata sai a yi amfani da shi. Wani lokacin idan an ajiya (upload) sai ya nuna waiting for WiFi. To hakan yana faruwa ne musamman idan wannan ne lokaci na farko da mutum ya fara amfani da google dribe din.

A wasu lokutan kuma idan ana da matsalar network (data) ana fuskantar hakan. Idan aka yi upload, sai a ga yana nuna waiting for WiFi, to ga yadda za a yi masa.

A saman wayarka akwai wasu layuka guda 3 a kwance daga gefen hagu (option) kusa da Search in Drive, za a ga wani feji zai bude sai a danna Settings. Zai kara bude wa, to daga can kasa an rubuta ‘Data Usage’ a gefen rubutun akwai wani digo shudi (blue) sai a danna.

Shikenan wannan matsalar an yi maganinta.

Akwai abubuwa masu yawa wadanda google dribe kan iya taimaka wa wajen yin amfani dasu. Google Drive yana ba da damar ajiyar kowane irin file kamar yadda na muka ambata a baya. Za a iya adana file komai girmansa idan bai wuce nauyin 15GB ba. Kadan daga cikin mahimman amfaninsa shi ne:

1) Upload: Yadda za a dora abu a kan google dribe, kamar yadda na kawo misali a baya.

2) Scan: Google drive ya kan ba da damar yin scanning na takardu masu mahimmanci, kamar na karatu kuma a adana shi a cikin dribe, kuma ya kan ba da damar yin amfani da su a duk lokacin da ake da bukatarsu. Kamar a wajen rijista ta yanar gizo, lokuta da dama a kan bukaci takardun kammala karatu ta hanyar tura wa a website na neman aiki ko scholarship da sauransu. Scan yana taimaka wa sosai wajen kiyayewa hadarin gobara, ruwa da abubuwa makamantansu da kan iya kawo lalacewar takardu ko batansu. Idan kana da google dribe babu kai ba yawo da takardu a hannu.

3) Folder: Folder tana taimaka wa wajen rarrabe files da aka adana.

4) Ana iya kara girman memory storage space daga 15GB zuwa 100GB, 150GB, 200GB zuwa sama da hakan amma wannan siya ake yi, wato (Drive Upgrade).

Za mu yi bayaninsa a nan gaba.