A yau mun kawo muku ra’ayoyinku ne a kan yadda ‘yan takarar shugabancin kasar nan da jam’yyun su ke yi wa juna yarfe, kazafi da sharri a daidai lokacin da Babban Zaben 2023 ke kara matsowa.
Kabo Idris Saminu
Wannan ba komai bane a tsarin siyasar kasar nan domin kowa kokari yake ya nuna cewa shi mai kyau ne domin a zabe shi saboda yana ganin idan ya aibata dan uwansa babu mai tsabar sa kaga kenan shi zai samu ta gomashi na zabbar sa da talaka zai yi amma su sani kan talaka me jefa kuri’a fa ya waye kar yake kallon su.
Abdul’aziz Mohammed
Allah ya kyauta. Ya rage ma talakan Nijeriya ya yi wa kansa zaman ta natsu domin zabin wanda yake kyautata zaton zai masa adalci kawai. Yarfe, kazafi da shairi ba shi ne zai tabbatar mana da rashin cancantar dan takara ba. Allah ya mana zabi mafi alkairi, ameen.
Abubakar S G Diso
Uthman bn Affan (RA) yana cewa: “Kada ka manta da mala’ikan mutuwa, domin shima ba ya mantawa da kai.” [Almujaalisatu wa Jawaahirul Ilm: 2/73]
Amma kuma dama haka cin Amana yake babu abin mamaki a ciki masu iya maganar sun ce komai nisan jifa kasa zai dawo gashi yandu suna ta tona Asirin abinda Sukeyi a boye, Kuma mutuwa tana nan tana jiran kowa Allah yasa karshen mu yafi farkon mu kyau
Abubakar Ghali
Duk dan takarar da ya yi wa wani kadafi ko yarfe mutane ai ba mahaukata ba ne sun san abinda ya faru to be kama su zabi duk dan takarar da aka kama ko akayi zargin ya yi kazafi ko yarfe a siyasarsa domain haka shike muna cewa baya da ‘kuality’ na zama shugaba.
Yusuf Muhammad Jalingo
Wannan yana daga cikin matsalar da take kara rura wutan gaba a tsakanin yan takaran da magoya bayansu, har akai ga anjima wani rauni har yakai ga rasa rayuka, sai dai muna kalubalantan wanda abin ya shafa ta bangaren INEC da jami’an tsaro adinga daukan mataki na hukunta duk wanda ya taka doka don ganin an shawo kan lamuran. Allaah ya zaba mana shugabanni nigari, Amiin.
Yahaya Aliyu Sani
To shi dai Wannan lamari bayau aka fara ba mu dai abin fadinmu shi ne, Allah ya cecemu daga kicin yanayi marar dadi.
Engr Abdullahi Musbahu Dambatta
Rana zafi inuwa kuna Allah ka kawo mana mafita.
Abubakar Mohammed Joda
Ko sun yi wa junansu yarfe ko kada su yi mun rigaya mun gane komai dangane da su. Zamu yi zabe ne kawai domin zaban mai dan dama-dama. Amma kowa ya san dukkansu jirgi daya ne ya kwaso su.
Comr Hassan S Umar
Gaskiya lamari ba karamin kuskure ba ne, amma kuma ta bangare daya zamuga cewa, ai duk dama halinsu daya babu mamaki tonawa junansu asiri da suke yi, fatanmu shi ne Allah ya bamu nagari kawai.
Sulaiman Muhammad
Sun raina ‘yan Nijeriya ne kawai
Nuruddeen Muhammad Funtua
To ni dai a ra’ayina shi ne mu mutane yakamata mu samu nutsuwa mu zabi wanda ya canchanta mu kuma roki Allah ya zaba mana nagari
