Wasu ‘yan daba sun kai wa Jonathan Asake, dan takarar gwamnan jam’iyyar LP a Jihar Kaduna hari a Gidan Waya da ke karamar hukumar Jema’a a jihar.
Wasu matasa hudu ne suka jikkata a harin, da suka hada da maza biyu da mata biyu, a cewar wata sanarwa da Mista James Swam, mai taimaka wa dan takarar gwamnan LP a harkokin yada labarai ya fitar.
- Birtaniya Da Faransa Za Su Tattauna Kan Makomar Bakin Haure
- Ban Damu Da Hadakar PDP Da Sauran Jam’iyyu Ba -Uba Sani
Sanarwar ta ce, lamarin ya faru ne a lokacin da ayarin motocin yakin neman zaben ke wucewa ta Gidan Waya a lokacin Sallar Juma’a a kan hanyarsu ta zuwa Godogodo da sauran garuruwa yayin da tawagar yakin neman zaben suka zagaya karamar hukumar.
Ya ce bayan motocin uku na farko da ke cikin ayarin sun bi ta tsofaffin tayoyin da aka yi amfani da su wajen shata titin, ‘yan baranda suka fara jifan ayarin da duwatsu, sanduna da sauran abubuwa masu cutarwa.
“An dauki matakin da jami’an tsaro da ke tare da dan takarar suka shiga cikin lokaci don dakile rikici,” in ji shi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
