FIFA Ta Fara Bincike Kan Sumbata Da Rubiales Ya Yi Wa ‘Yar Wasan Spain

Ana ci gaba da yi wa shugaban hukumar kwallon kafa ta Spain, Luis Rubiales matsin lamba kan sumbatar da ya yi wa ‘yar wasan kwallon kafa ta mata ta kafar, Jenni Hermoso bayan lashe kofin duniya na mata da suka yi.

Hakan dai ya janyo cece-kucen a harkar kwallon kafa a duniya.

• Da Dumi-dumi: Kotun Daukaka Kara Ta Kori Karar Da Abba Gida-gida Ya Shigar A Gabanta
• Dan Bindiga Ya Harbe Mutum Da Raunata Wasu Da Dama A Amurka

Tun bayan faruwar lamarin, aka ci gaba da kiranye-kiranye kan bude wasu sabbin zarge-zarge da aka dade ana yi wa Rubiales.

Tuni da hukumar kwallon kafa ta duniya (FIFA) ta kafa kwamitin ladabtarwa da zai yi bincike don gano hakikanin abin da ya faru.

Tun bayan faruwar lamarin, Rubiales ya yi gum da bakinsa bai ce uffan ba, sai dai wasu na ganin lamarin na iya kai wa ga yi masa ritaya a harkar kwallon kafa.