Akalla mutane 2,445 ne suka mutu sakamakon wata girgizar kasa mafi muni da ta afku a kasar Afganistan da ke fama da tsaunuka. in ji gwamnatin kasar a ranar Lahadi.
Hukumar Kula da Yanayin Kasa ta Amurka (USGS) ta ce, girgizar kasar da ta afku a ranar Asabar a yammacin kasar, ta shafe kusan kilomita 35 daga arewa maso yammacin birnin Herat. Girgizar kasar ta kai girman maki 6.3.
- Sin Ta Yi Kira Ga Falasdinu Da Isra’ila Da Su Gaggauta Kawo Karshen Tashin Hankalin Da Ake Yi Don Kare Fararen Hula
- Gwamnatin Nijeriya Ta Yi Kira Da A Tsagaita Wuta A Rikicin Isra’ila Da Hamas
Janan Sayeeq, kakakin ma’aikatar kula da bala’ai, ya bayyana a wani sako da ya aikewa kafafen yada labarai na kasa da kasa cewa, adadin wadanda suka mutu ya kai 2,445, adadin wadanda suka jikkata kuma ya haura 2,000, da farko ya ce, mutane 9,240 ne suka jikkata.
Sayeeq ya kuma ce, girgizar kasar ta lalata gidaje 1,320.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
