Shugaba Bola Tinubu ya yi wata ganawar sirri da shugabannin jam’iyyar APC na Jihar Kano a fadar Aso Rock Villa da ke Abuja.
Tsohon gwamnan Jihar Kano Abdullahi Ganduje ne, ya jagoranci tawagar zuwa fadar Villa.
- Jimillar Kayayyakin Yau Da Kullum Da Aka Sayar A Sin A Shekarar 2023 Ta Zarce Yuan Triliyan 47
- Shugabannin Togo Da Cote d’Ivoire Sun Gana Da Ministan Harkokin Wajen Sin
Taron na ranar Alhamis ya zo ne mako guda bayan da kotun koli ta yanke hukunci kan shari’ar Kano, tare da korar Nasiru Yusuf Gawuna da kuma tabbatar da Abba Kabir Yusuf na jam’iyyar NNPP, a matsayin zababben gwamnan jihar.
A zaben gwamnan jihar da aka gudanar, dan takarar jam’iyyar APC a jihar, Nasiru Yusuf Gawuna ya samu kuri’u 890,705 inda abokin hamayyarsa Abba Kabir Yusuf ya samu kuri’u 1,019,602.
A ranar 12 ga watan Janairu ne kotun koli ta tabbatar da Yusuf a matsayin gwamnan Jihar Kano, inda ta soke hukuncin kotun daukaka kara wadda ta bayyana Gawuna a matsayin wanda ya lashe zaben.
Sai dai ba a bayyana abin da aka tattauna a taron da shugabannin APC na Kano suka yi da Shugaba Tinubu na ranar Alhamis ba.
