El-Rufa’i Ne Silar Matsalar Tsaro A Kaduna – Shehu Sani

Tsohon dan majalisar dattawa, Sanata Shehu Sani ya zargi Gwamnan Jihar Kaduna, Nasir El-Rufai da taimakawa na matsalar rashin tsaro a fadin Jihar Kaduna.

Shehu Sani ya bayyana hakan ne a wata zantawa da ya yi da gidan talabijin na Arise TB, inda aka tabo batun wasikar da gwamnan ya aika wa shugaban kasa a kwanakin baya.

• Nijeriya Ba Za Ta Taba Maimaita Yakin Basasa Na Shekarar 1967 —el-Rufai

Ya ce Gwamna El-Rufai ya shaida wa duniya gazawarsa a wannan wasika da ya rubuta zuwa fadan shugaban kasan, bayan a baya ya yi ta boye matsalar.

A cewarsa, a cikin koke-koken da El-Rufai ya yi wa Shugaba Kasa Muhammadu Buhari babu wani sabon abin da ba a ankarar da gwamnati ba tun a baya.

Shehu Sani ya ce a lokacin da ya bijiro da matsalar a majalisa, El-Rufai ya nuna ana ruruta lamarin, sai ga shi yau ana kukan ‘yan ta’dda na neman kafa gwamnati a kasar lamarin da yake san zama abin kunya ga kasar baki daya.