Gwamnan jihar Borno, Farfesa Babagana Zulum, ya yabawa sojojin Nijeriya, jami’an tsaron hadin gwiwama (CJTF), mafarauta da ’yan banga kan kisan da suk yi wa Abu Fatima, wani babban kwamandan kungiyar ISWAP kwanan nan tare da wasu mutane biyu a kauyen Aleru da ke karamar hukumar Kukawa a jihar.
Gwamna Zulum ya yi wannan yabon ne a ranar Talata a lokacin da ya ziyarci wasu al’ummomi a arewacin jihar, musamman a karamar hukumar Kukawa.
- Manufar Bude Kofa Ta Shaida Niyyar Sin Ta Ingiza Dunkulewar Duniya
- ‘Yansanda A Kano Sun Gargaɗi Sarki Sanusi II Kan Fitowa Hawan Sallah
Gwamnan ya ce, ziyarar da ya kai sansanin soji a Baga da Kukawa da Marabar Kauwa domin ganin ya zaburar da sojoji da CJTF da mafarauta da ’yan banga kuma ya saurare su domin ganin yadda za a magance kalubalen da ake fuskanta a yankunan.
Ya yaba musu cewa, sun yi kokari sosai wajen kashe wani babban kwamandan kungiyar ta’addanci ta ISWAP tare da wasu mutane biyu kwanaki kadan da suka gabata.
LEADERSHIP ta tuna cewa, babban kwamandan ISWAP da aka kashe, Abu Fatima na cikin jerin sunayen ‘yan ta’addan da sojojin Nijeriya ke nema ruwa a jallo tare da saka ladar Naira miliyan 100 kan duk wanda ya kawo mata shi.
An ce Abu Fatima shi ne ke da alhakin kai hare-hare a arewacin jihar Borno, musamman ma yankin Baga.
An fara kama dan ta’addar na ISWAP a raye amma daga baya ya mutu sakamakon zubar da jini mai yawa bayan Harbin da aka yi masa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
