Jakar maɗaciya na nan ɗanfare da hanta, daga ƙasan hantar a ɓangaren dama daga sama a cikin Ɗan’adam.Hanta ce ke samar da ruwan maɗaciya, wadda ke da launin kore ko kuma rawayar gwal, sannan sai ruwan maɗaciyar ya gangaro zuwa cikin jakar maɗaciya; domin ajiya zuwa lokacin da za a buƙace shi.
Kazalika, Hanta na iya samar da ruwan maɗaciya da yawansa ya kai kimanin lita 800 zuwa 1200 a kullum. A yayin da jakar maɗaciyar ke iya cin ruwan maɗaciyar da yawansa ya kai lita 50 bayan ta tace mafi yawan ruwan da ke ciki.
- An Yi Wa Shugaban Ƙasa Tinubu Ihu Bayan Sallar Juma’a
- Dangote Ya Fara Shirin Samar Da Wutar Lantarki Megawatt 10,000
- Shugaban INEC Zai Bayyana Gaban Majalisa Kan Shirye-shiryen Zaɓen 2027
- Maaikatar Harkokin Wajen Sin Ta Gabatar Da Burin Sin Dangane Da Kwarya-Kwaryar Taron Shugabannin APEC Dake Tafe
- Kerry: Ya Kamata Amurka Da Sauran Kasashe Su Bi Sahun Sin Wajen Bunkasa Amfani Da Makamashi Mai Tsafta
Har ila yau, ruwan maɗaciya ya ƙunshi kashi 97.6 cikin 100 ruwa zalla da kuma kashi 2.4 cikin 100 na gishirin maɗaciya da sauran ɓurɓishin ma’adanai da sauran makamantansu.
Gishirin maɗaciya shi ne jigon aikin maɗaciya a jikin Ɗan’adam, musamman wajen narka abinci da mutum ya ci.
Haka zalika, gishirin maɗaciya shi ne jigon sinadarin da ke narka ko markaɗa abinci a ajin mai ko kitse a cikin ƙaramin hanji, har a mayar da shi zuwa yadda jiki zai iya zuƙar sa daga ƙaramin hanji zuwa sassan jiki.
Bugu da ƙari, gishirin maɗaciya na taimakawa wajen yi wa hanta ƙaimi; don samar da ruwan maɗaciya a jikin mutum.
Har wa yau, gishirin maɗaciya na taimakawa wajen sauƙaƙa fitowar bayan-gida daga cikin babban hanji zuwa dubura. Haka kuma, daga cikin ruwan maɗaciyar ne bayan-gida ke samun launi irin na ruwan ƙasar da yake da shi.
Tsakuwar maɗaciya: A yayin da kwalastirol ko kitse ya yi yawa a jikin mutum, kwalastirol ɗin na iya curewa wuri guda ya haifar da matsalar da ake cewa; tsakuwar maɗaciya wato ‘gallstone’ a turance. Gishirin maɗaciya na taimakawa wajen magance curewar kwalastirol a cikin jakar maɗaciyar da ke jikin Ɗan’adam.
Haka zalika, duk da ɗimbin alfanun da maɗaciya ked a shi a jikin Ɗan’adam, ana iya yin tiyata a cire jakar maɗaciyar idan aka samu matsalar tsakuwar maɗaciya; sannan kuma a gaza samun magungunan da za su magance cutar tsakuwar.
