A yau na kawo muku hanyoyi goma wanda za a bi don gyaran jiki ba tare da an kashe kuɗi a shagon kayan kwalliya ba. Ya kamata mata su koyi dabaru da dama domin taimaka wa maigida. Idan maigida ya saba ba da kuɗin sayan kayan kwalliya, ranar da babu kuma sai a hakura a gwada ɗaya daga cikin ababen da muke kawo muku na gyaran jiki.
Idan ana so a gyara gashi za a iya haɗa Ayaba da Ƙwai sai a kwaɓa su sosai sannan a shafa a gashi a jira na tsawon mintuna sha biyar (15) zuwa talatin (30) sannan a wanke.
Domin gyara farce, za a iya tsoma hannu a cikin man zaitun na tsawon mintuna biyar (5) sannan sai a cire a kullum. Farce zai yi matuƙar kyau sosai.
- Babban Dan Majalissar Dokokin Kasar Sin Ya Halarci Jana’izar Marigayi Jagoran Addini Na Iran
- Akwai Barazanar Ƙaruwar Yunwa A Arewacin Nijeriya – Peter Obi
- Pakistan Ta Kashe Mutum 36 A Hare-haren Da Ta Kai Kan Iyakarta Da Afghanistan
- Kwankwasiyya Ta Buƙaci A Binciki Zargin Kasafin Kuɗin PFIPC
- Gwamnatin Tarayya Ta Bayyana Dalilanta Na Sake Fasalin Hukumar NYSC
Ana amfani da zuma mai kyau domin samun fuska mai santsi da laushi. Ana shafawa a fuska a jira na tsawon mintuna goma sha biyar (15) zuwa ashirin (20) sannan a wanke da ruwan ɗumi. A gwada wannan haɗin sau ɗaya ma a sati za a ga canji.
Ana amfani da ruwan amfuna da ruwa ana wanke kai. Yin hakan na cire dattin da ke maƙale a gefen gashin kai.
Domin masu yawan shafe-shafe za su iya yanka lemon tsami biyu sai su rika shafawa a inda ya yi duhu. Yin hakan a kullum na haskaka baƙin da ya bayyana a wasu gabbai ko sassan fata.
Domin samun fatar jiki mai sulbi, za a iya amfani da man zaitun da gishirin rafi a kwaɓa sai a riƙa dirzawa a fatar jiki a ƙalla sau uku a sati.
Man kwakwa na matuƙar gyaran zubewar gashin kai. Za a iya shafa man kwakwa a fatar kai, sannan a shafa a jikin gashin. A bari ya jima kamar na awa ɗaya sannan a wanke.
Maza masu son man gyaran gemu, za su iya amfani da man kwakwa, yana gyarawa ya yi baƙi, sheƙi da gyalli.
A samu lemon tsami sannan a zuba zuma a kai. Sannan a riƙa shafawa a kan kurajen fuska. Yin hakan na kashe su sosai.
Man zaitun na sanya santsin fata idan an kasance ana yawaita shafa shi a koda yaushe a matsayin man fata.
