Assalamu alaikum masu karatu, barkan mu da sake haduwa daku a wannan makon a cikin shirin na mu mai farin jini da albarka na Ado Da Kwalliya.
A yau shafin na mu zaiyi bayani ne akan amfanin kabewa a jikin mata:
Kabewa tana da amfani sosai a jikin mace, yana temakawa mace, yana da tasiri sosai ga mace, yana wanke mara, yana wanke mahaifa duk wani datti dake jikin mace koda al’adar ta yana mata wasa in cuta ne kabewa da hulba da abbatussauda yana magani da izinin Allah.
Abubuwan bukata:
Kabewa, madara:
Yadda zaku hada:
Idan kuka samo kabewa sai ku yankata ku fere bayan sannan ku wanke ta, sai ku zubata a tukunya kusa mata ruwa a dafata kamar yadda ake dafa ta miya, idan ta dahu sai ku sauketa ku kwashe ku zuba a bilanda ku nikata tayi laushi sai a zuba madara ta ruwa ana asha.
Sannan a hada kabewa da hulba da habbatussadat a tafasa ana sha yana da kyau sosai yana maganin duk wani cutittaka dake jikin mahaifa.
Sannan ki samu kanunf da minannas da asuwakin mata, ki hadasu waje daya ki tafasa su ki rinka sha yana gyara mace.
Sannan a duk lokacin da mace ta gama haila kafin tayi wanka ko lokacin da zatayi wanka to tayi tsarki da ganyan magarya, shima yana kore duk wani cuta, harda ma wani wari wari da karni karni haila duk yana korewa.
