Haka zalika, man kwakwa na maganin kurajen fuska, musamman ga maza dake yawan yin kurajen fuska, sakamakon gyaran fuska, idan su ka yi amfani da man kwakwa, in sha Allahu za su samu afuwar kurajen fuska
Baya ga kurajen aski, hakanan, man kwakwa na magance kurajen fuska da aka fi sani da finfus. Duk wanda ke fama da wannna matsala sai ya juri shafa man kwakwa a fuskarsa, da iznin Allah zai rabu da finfus.
2. Gyaran gashi:
Man kwakwa wani sanadari ne da ya yi suna wajen maganin amosanin kai, kamar yadda mu ka rubuta tun da farko a sama, sannan ya na hana bushewa da karyewar gashi, sakamakon haka kuma sai ya samarwa da mace yalwataccen gashi mai sheki da tsayi.
3. Maganin Fason Kafa:
Man kwakwa ya na maganin faso, ga mai fama da wannan matsala sai ya samu man kwakwa ya zuba gishiri ciki amma ba mai yawa ba ya gauraya su, ya ringa shafawa a kafar, sannu a hankali zai ga bushasshiyar fatar na barewa da kanta, sannan kafar za tayi laushi, yadda za ta daina fashewa.
4. Samar da Kuzari Ga Jiki:
Ga mutanen da ke kukan nauyin jiki ko kasala sakamakon yawan maiko a jikinsu, sai mu ce, albishir gare su. Yin amfani da man kwakwa zai magance musu wannan matsala cikin sauri. Koda yake, ana ganin man kwakwa a matsayin mai dake kunshe da maiko, sai dai masana kiwon lafiya sun tabbatar da cewa, shi maikonsa ba mai lahani ga jiki ba ne, saboda haka ne ma ya ke taimaka wa wajen narkewa da kuma fitar da duk wani maiko da ke da lahani ga jikin mutum, hakan sai ya haifarwa da mutum samun kuzari da walwala.
Mu hadu a sati na gaba
Idan mutum na son amfanuwa da wannan fa’ida ta man kwakwa, sai ya ke zuba man kwakwar cikin abinci ko cikin lemon don samun karin kuzari da karfi ga jikinsa.
5. Inganta garkuwar jikin dan Adam:
Man kwakwa na kara inganta garkuwa jikin dan Adam sakamakon yana kunshe da sanadarai irin su, lauric acid, capric acid da caprylic acid. Bincike ya nuna wadannan sinadarai na matukar taimaka wa wajen bunkasa garkuwar jikinmu, hakan kuma na kare jiki daga kamuwa da kwayoyin cututtuka da ke haddasa wa mutum rashin lafiya.
6. Saurin narkar da abinci:
Wani lokacin mutane kan yi fama da murdawar ciki sakamakon cushewar ciki wanda rashin narkewar abinci kan haddasa, bincike da! masana a fannin kiwon lafiya su ka gudanar ya nuna yadda man kwakwa ke tasiri kan wannan matsala ta rashin narkewar abinci.Don haka duk mai fama da matsalar sai ya yi amfani da man kwakwa don samun waraka.
7. Inganta lafiyar hakori:
Man kwakwa ya shahara wajen kara karfi da lafiyar hakori, sannan ya na kare mutum daga kamuwa da cututtukan da kan shafi hakori da kuma dasashi. Dalili kuwa shine man kwakwa na kunshe da wasu sanadarai na ‘Calcium’ da ke da tasiri wajen wannan aiki.
Baya ga karin karfi da kuma kariya ga hakora, haka zalika, man kwakwa na sanya hakora su yi haske da fari. Idan ana son samun wannan fa’ida, sai a hada man goge hakori da shi. Yadda mutum zai hada man kuwa shine, zai hada man Kwakwa da ‘Baking Soda’ ya gauraya su waje guda, ya samu ‘brush’ ya ke goge bakinsa da shi. Zai sha mamaki.
8. Saurin Gusar Da Kayan Kwalliya Daga Fuskar Mata:
Kowa ya san yadda mata kan yi amfani da kayan kwalliya a fuskarsu, kaamr hoda, jagira ko ‘eye shadow’ da sauran su. Wani lokacin gusar da su ta hanyar gogewa ko wanke wa kan bata lokaci, kuma hakan bai cika sanya kwalliyar ta fita fes ba. Don saurin gusar da kwalliya kuma cikin sauki, ki shafa man Kwakwa kadan a jikin auduga ko kyalle mai tsafta ki goge fuska da shi, sannan sai ki wanke fuskarki.
9. Hana Fashewar Lebe:
Ga wadanda lebansu ke yawan fashewa sai su samu man kwakwa su ke shafawa a leban akai-akai, zai hana tsagewar leben ta hanyar hana shi bushewa. Idan mutum yana kyamar yin amfani da man kwakwa zallarsa, sai ya kwaba shi da wani man ya ke shafa wa.
10. Maganin Kwarkwata:
Magani ne da aka gwada kuma aka ga fa’idarsa. Idan kina fama da kwarkwata ki ringa shafa man kwakwa a kanki tun daga matsirar gashinki har zuwa ilahirin gashin baki daya. Hakanan za ki iya hada man kwakwar da ruwan kal ki ringa shafawa a kanki. Hakika za ki ga aiki da cikawa.
11. Maganin Mura:
Bincike ya tabatar da cewa, man kwakwa na maganin mura da kuma ciwon makogaro. Idan mutum na fama da mura ko kuma ciwon makogaro sai ya ringa zuba cokali 2 zuwa 3 na man kwakwa cikin ruwan shayi ya na sha, ko kuma ya ke zuba man kwakwa da man tafarnuwa cikin shayin ko ruwan zafi da ikon Allah zai samu sauki.
