Dan takarar shugaban kasa na jam’iyyar, Atiku Abubakar, ya taya Gwamna Nyesom Wike na Jihar Ribas murnar cika shekaru 55 a duniya.
Atiku ya yi addu’ar Allah ya karawa Wike albarka yayin da ya ke cika shekaru 55 a duniya.
- Kanu Ya Yi Tur Da Kai Hare-Haren ‘Yan Bindiga A Kudu Maso Gabas
- ‘Yan Ta’adda Sun Kashe Mace Mai Juna Biyu Bayan Gaza Samun Nasarar Yin Garkuwa Da Mijinta A Borno
Ya bayyana hakan ne a wani sakon Twitter da ya wallafa tare da hoton Wike.
A sakon da Atiku ya wallafa a shafinsa na Twitter ya ce: “Yayin da kake cika shekaru 55 a yau, ina addu’ar Allah ya sa dukkan muradanka, ka more ranarka. -AA.”
Atiku da Wike dai na takun saka tun bayan da gwamnan ya sha kaye a yunkurinsa na fitowa takarar shugaban kasa a PDP.
Wike, wanda ya ki goyon bayan tafiyar Atiku ta shugaban kasa, ya bukaci shugaban jam’iyyar na kasa, Iyorchia Ayu ya yi murabus daga mukaminsa.
Gwamnan da takwarorinsa biyar da ake kira G-5 sun ce Arewa ba za ta iya samar da dan takarar shugaban kasa na jam’iyyar ba.
Tuni alaka ta yi tsami tsakanin Atiku da Wike, inda dan takarar da kwamitin yakin neman zabensa ke ci gaba da harkokinsu ba tare da Wike da sauran gwamonin jam’iyyar ba.
