An kashe wata mata mai juna biyu, Misis Mary Barka, lokacin da wasu ‘Yan bindiga da ake zaton masu garkuwa da mutane ne suka mamaye kauyen Pelachiroma a karamar hukumar Hawul da ke jihar Borno dauke da bindigu kirar gida.
‘Yan ta’addar wadanda tuni Shugaban ‘yan bangar yankin, Mohammed Shawulu Yohanna, ya yi nasarar cafke su tare da mika su ga caji ofis din ‘yansanda da ke Hawul karkashin babban jami’in yanki (DPO), Habila Lemaka.
- Gwamna Zulum Ya Bayar Da Umurnin Cafke ‘Ƴan Bangar Siyasar Borno
- Yadda ISWAP Ta Kai Hari Sansanin Sojoji, Mutane Da Dama Sun Mutu A Jihar Borno
Yohanna, wanda shugaban ‘yan banga ne da mafarauta a wat hirarsa da ‘yan jarida a ranar Litinin ya ce, lamarin ya faru ne kwanaki kalilan bayan da wasu ‘yan bindiga suka kai hari kauyen kan kokarin yin garkuwa da mutane sai dai hakarsu bata cimma ruwa ba. Inda suka sake dawo wa domin cimma manufofin na su.
Ya nuna takaicinsa cewa, wata matar aure mai suna Mary Barka ta gamu da ajalinta a lokacin da maharan suka kai hari, amma cikin taimakon Allah makasan suna tsare a hannun ‘yansanda zuwa yanzu.
