Atiku Zai Bude Kwalejin Mahaddata Al-Qur’ani Mai Cin Dalibai 500 A Ziyarar Da Zai Kai Kano

Dan takarar shugaban kasa na jam’iyyar PDP kuma tsohon mataimakin shugaban kasa, Atiku Abubakar zai ziyarci Kano a ranar 9 ga watan Fabrairun 2023.

Dakta Sule Ya’u Sule ya bayyana haka ne a lokacin da yake zantawa da manema labarai a sakatariyar jam’iyyar PDP da ke Kano a karkashin kwamitin yada labarai na yakin neman zaben shugaban kasa na jam’iyyar PDP.

• PDP Na Son A Yi Bincike Kan Kisan Matashi A Yakin Zaben APC A Bauchi 

Dakta Sule yace, dan takarar shugaban kasa zai zo Kano domin yakin neman zabensa na shugaban kasa.

A cewar Dakta Sule, dan takarar shugaban kasa na jam’iyyar PDP zai kuma yi amfani da wannan damar ya kaddamar da makarantar haddar Al-Qur’ani mai girma mai daukar mutane 500 a garin Gunduwawa wanda tsohon gwamnan jihar Kano Sanata Ibrahim Shekarau ya gina.

Ya ce manufar makarantar ita ce koyar da karatun Alqur’ani da haddatar da shi na tsawon wata shida.

Ya ce, akwai dakunan kwanan dalibai a makarantar 250 na maza, 250 na mata.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi