Mataimakin Gwamnan Jihar Sakkwato, Honarabul Manir Muhammad Dan’iya ya bayyana cewar hasashe ne kawai batun da ake yadawa cewar zai sauya sheka daga PDP zuwa APC.
Dan’iya, ya bayyana hakan a taron masu ruwa da tsaki na jam’iyyar PDP a otal din Giginya, ya bayyana cewar tsare- tsaren da suke yi masu tasiri ne wadanda za su tabbatar da nasarar PDP a dukkanin matakai, wanda a kan wannan ya bukaci jama’a da su zabi PDP daga sama zuwa kasa baki daya.
- An Bude Bikin Anime Na Kasa Da Kasa Karo Na 18 A Hangzhou
- Yadda ‘Yan Majalisa Suka Bai Wa Hammata Iska A Saliyo
Mataimakin na Tambuwal wanda a yanzu haka shi ne dan takarar Majalisar Dattawa a jam’iyyar PDP a Sakkwato ta Tsakiya, zai fafata da tsohon Gwamnan Sakkwato, Sanata Aliyu Wamakko a jam’iyyar APC.
“Mun zo ne mun tattauna batutuwa da dama da shugabanni da masu ruwa da tsaki a kan jam’iyyar mu ta PDP da yadda za mu samu nasarar lashe zaben 2023 baki daya kuma tattaunawar ta yi tasiri kuma muna kira ga jama’a da su bi umarni a kuma ci gaba da bin doka,” ya bayyana.
A kan zargin da ake yi wa Walin na Sakkwato a kan cewar zai koma jam’iyyar APC, sai ya amsa da cewar “Kun ce jita- jita ce, (dariya) ina tambayarka yaushe hakan zai faru? Don haka a jira lokaci zai nuna,” kamar yadda ya bayyana.
