Ko wane Maigida ko Magidanta sun san iyakar karfin bakin aljihunsu babu yadda za ayi su hare kansu wajen amsar bashi domin ayi wasu abubuwan shagulgulan Sallah ne saboda kawai ayi gasa ko nace kece raini kamar yadda wasu suke yi suna kuma da halin yin hakan,wasu kuma suna yin hakan ne domin su dadadawa matan da suke aure,ko matar da yake aure ransu.
Shi ya sani ita ma ta sani, su ma sun sani, kowa ya sani, kai kowa ya san irin takalmin da zai iya shiga kafarsa sai dai ayi karya kawai ace sai an dama dole kamar yadda wasu suke damawa bayan al’amarin ba haka yake ba, ‘yan yatsun dake a hannun mutum ko kafarsa sun ishe shi misali.Basu da halin yin hakan kowa ya san da hakan amma dai ana son burge wasu ne kawai domin ace su ma ai masu hali ne.
- INEC Ta Raba Muhimman Kayyayakin Zabe Don Kammala Zaben Gwamnan Kebbi
- Sallah: Gwamna Bagudu Ya Umarci A Biya Albashin Watan Afrilu
Bayan abin duk karfin hali ne kamar yadda Darawo yake sallama idan ya je sata.
Kowa ya san bayan sallah saurin zuwa gare ta bani sai bayan sallah to wani da ya bada bashi ana saukowa ko tasowa daga masallacin Idi ya dinga tafka sallama ke nan,har sai lokacin da aka amsa ma shi.Amsawar kuma ta a biya sni bashin kudaden da aka amsa wurinsa aka ce sai bayan sallah.
Maimakon aje a amso bashin da za ayi ta kai gwauro da mari kafin a samu a biya,babban abinda ya dace shi ne ayi hakuri,saboda kamar yadda Hausawa suka ce maganin kar ayi to kada ma a fara.Kada a biya ma son zuciya saboda ai son zuciya daga karshe yana zama bacin zuciya.
