Dole Burtaniya Ta Shirya Yaki Da Rasha – Sojin Burtaniya

Sabon shugaban rundunar sojojin Burtaniya ya yi imanin cewa dole ne sojin Kasar su kasance a shirye don ‘yaki kuma da nasara’, yayin da yake tsokaci kan yakin da ake ciki a Turai Tsakanin Rasha da Ukraine.

Da yake magana kan wani hari da Rasha takai a Ukraine, Janar Sir Patrick Sanders, babban hafsan hafsoshin sojojin Kasar, ya yi gargadin cewa dole ne sojojinsa su kasance cikin shirin tunkarar yaki da zaluncin shugaban Rasha, Vladimir Putin.

• Rasha Ta Kashe ‘Yan Nijeriya 38 Masu Taimaka Wa Ukraine A Yaki

Ya kara da cewa, dole ne sojojin Burtaniya su zama cikin shiri, da zarar kungiyar NATO tayi kira su amsa kira don Yaki a gabashin Kasashen NATO.

Da ma dai tuni ya ankarar da rundunarsa Maza da Mata da su sake yin shiri don yin yaki a tarayyar Turai.

Akalla fararen hula 28 ne suka mutu a hare-haren Rasha a ranar Litinin, a wani harin makami mai linzami da aka kai kan wata cibiyar hada-hadar jama’a.

Sulaiman

+ postsBio

• Sulaiman

  Batun AI Zai Fi Daukar Hankali A Bikin Baje Kolin Fasahar Zamani Ta Duniya Karo Na 5
• Sulaiman

  Cinikin Wajen Sin Ya Ci Gaba Da Samun Bunkasa Cikin Sauri A Watanni Takwas Na Farkon Bana
• Sulaiman

  ‘Yan Bindiga Sun Kashe 2, Sun Yi Garkuwa Da 26 A Kaduna
• Sulaiman

  Binciken CGTN Ya Nuna Gamsuwa Da Yadda Baje Kolin CIFTIS Ke Shaida Karfin Gwiwar Sin A Fannin Kara Fadada Bude Kofa Bisa Babban Matsayi