Faduwar wata tankar mai ya yi sanadin haddasa gobarar da ta sa mutane a yankin Jere na Jihar Kaduna, tafka asara dukiya mai tarin yawa.
Lamarin ya faru ne a kan babban titin Kaduna zuwa garin Jere a ranar Laraba.
- Nasarar Tinubu Ta Tabbatar Da Dimokuradiyya Na Raye A Nijeriya -Ganduje
- An Kama Alhassan Doguwa Kan Zargin Kisan Kai A Kano
Wannan na dauke ne cikin wata sanarwa da wakilin watsa labaran Masarautar Jere, Ahmad Abdulkarim Dalhat, ya fitar da safiyar ranar Laraba.
Ya ce gobarar ta yi sanadin konewar shaguna, motoci, gidaje masu tarin yawa.
Ya zuwa yanzu dai ba a tantance adadin dukiyar da aka yi asara ba, sannan ba a samu labarin asarar rai ba.
Ya zuwa lokacin hada wannan rahoto, Hukumar Kiyaye Hadura ta Kasa (FRSC) a jihar, ba ta fitar da wata sanarwa a hukumance ba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
