Hukumar zabe mai zaman kanta ta kasa (INEC) ta ayyana Gwamna Mai Mala Buni na jam’iyyar APC a matsayin wanda ya lashe zaben Gwamna a jihar Yobe.
Kwamishinan Hukumar INEC na jihar Yobe, Alhaji Ibrahim Abdullahi shi ne ya sanar da hakan a cibiyar tattara sakamakon zaben dake Damaturu, da daren nan.
Ya ce Gwamna Buni na jam’iyyar APC ya samu kuri’u 317,113, fiye da na abokin takararsa daga jam’iyyar PDP, Hon. Shariff Abdullahi, mai adadin kuri’u 104,259, wanda hakan ya tabbatar da Buni a matsayin wanda ya samu nasara a zaben.
