Gwamnatin jihar Kano ta rufe wasu makarantun koyar da harkokin kiwon lafiya 26 da ba su da lasisi a jihar.
A wata sanarwa da hukumar lafiya ta jihar ta aike wa manema labarai, mai dauke da sa hannun jami’ar hulda da jama’a ta ma’aikatar, Dakta Hadiza Namadi a ranar Juma’a.
- ‘Yan Bindiga Da ‘Yan Kungiyar Ansaru Sun Yi Arangama Da Juna A Kaduna
- Ba Za Mu Yi Wa Kowa Rajistar Hakar Ma’adanai Ba Sai Da Katin Zabe -Babangida
Ta ce makarantun za su ci gaba da kasancewa a rufe sai bayan kammala gudanar da bincike a kansu.
Sanarwar ta kara da cewa wasu daga cikin makarantun ba su da mazauni na dindindin, sannan kuma suna koyar da wasu kwasa-kwasai da suka saba da tsarin manhajar koyar da kiwon lafiya, tare kuma da tatsar dalibai da iyayensu makudan kudade na babu gaira-babu-dalili.
A cikin sanarwa ta shawarci mazauna jihar da su guje wa irin wadannan makarantu, ta hanyar zuwa makantun da gwamnati ta bai wa lasisi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
