• English
  • Business News
Thursday, August 7, 2025
Leadership Hausa
Read English News
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
Leadership Hausa
No Result
View All Result

Gwarzon Ɗan Kasuwa Na Shekarar 2024: Benedict Peters

by Muhammad
8 months ago
in Labarai
0
Gwarzon Ɗan Kasuwa Na Shekarar 2024: Benedict Peters
Share on FacebookShare on TwitterShare on WhatsAppTelegram

Saboda zuba jari mai yawa a fannin haƙar ma’adanai da man fetur a faɗin Afirka, ya sa ake masa laƙabi da “Jagoran Haƙar Ma’adanai da Man Fetur na Afirka,” da kuma rashin tsoro wajen zuba dukiyarsa a harkar kasuwanci.

Benedict Peters, wanda ya kafa ya ke kuma jagorantar Aiteo/Bravura, ya samun lambar yabo ta Gwarzon Ɗan Kasuwa na Shekarar 2024 ta Jaridar Leadership.

  • Gwamnan Shekarar 2024: Sanata Ademola Jackson Nurudeen Adeleke
  • Ɗangote Ne Gwarzon Jaridar LEADERSHIP Na Shekara Ta 2024

Benedict Peters yana daga cikin shahararrun mutane a harkar kasuwanci a Nijeriya. Kasuwanci cike da ƙwarewa da masaniyar tafiyar da harkokin kasuwanci, Peters na daga cikin sunayen da suka shahara sosai a Nijeriya da ma Afirka baki ɗaya. Ya zama sananne a matsayin babban ɗan kasuwa wanda ke da hannun jari a fannonin man fetur da haƙar ma’adanai a Nijeriya da Ghana da Zimbabwe da Jamhuriyar Dimokaradiyyar Kongo da Zambiya da Tanzania da Mozambique da Cote d’Ivoire da Sierra Leone da Guinea Bissau da Namibia da Libya da Afrika Ta Kudu da kuma Switzerland.

Duk da kasancewarsa mai mai ɓoye sirri, Peters na daga cikin manyan ‘yan kasuwa na farko-farko a harkar man fetur da gas. Ya fara aiki a wannan fanni a farkon shekarun 1990, inda ya shiga kamfanin Ocean and Oil Limited (Oando a yanzu) sannan daga bisani ya zama Daraktan Gudanarwa a kamfanin MRS Oil Nigeria Plc.

A matsayinsa na matashin ɗan kasuwa, Peters ya kafa Sigmund Cummunecci a shekarar 1999, wanda daga baya ya zama Aiteo, kamfanin da ke samar da man fetur da gas da aka tace, wanda daga baya ya zama babban mai zaman kansa a fannin man fetur a Afirka.

Labarai Masu Nasaba

Jama’a Suke Tona Asirin Gurɓatattun Jami’anmu – Kwamishinan ‘Yansandan Kano

Yawancin ‘Yan Siyasar Nijeriya Ba Su Da Tarbiyya – Sarki Sanusi II

Peters ya shiga harkar kasuwancin man fetur a shekarar 1999, inda ya fara kasuwancin rarraba man fetur. Duk da haka, Aiteo ya zama kamfanin da ke samar da man fetur mafi girma a Nijeriya a cikin ƙanƙanin lokaci.

A shekarar 2015, Peters ya sayi babban filin mai na OML 29 mai darajar dala biliyan uku. A cikin shekara guda, Aiteo ya ƙara yawan man fetur da ya ke fitarwa daga ganga 17,000 zuwa kusan ganga 70,000.

A matsayin babban mai samar da man fetur, Aiteo ya kai matakin samar da man fetur har zuwa ganga 100,000, wanda ya ninka darajar dukiyarsa zuwa dala biliyan shida cikin shekaru uku. Kamfanin yana shirin zuba dala biliyan 4.3 don sayen sabbin kadarorin ruwa, tare da hasashen samar da kimanin 250,000 bbl/d a nan gaba.

Aiteo Group yana da jari a ɓangarori daban-daban kamar haƙar ma’adanai da noma da gine-gine da wutar lantarki tare da mayar da hankali kan biyan buƙatun al’umma a faɗin Afirka ta hanyar amfani da dabaru da fasaha da ƙirƙire-ƙirƙire da sauransu

Kamfanin yana faɗaɗa zuwa ƙasashe daban-daban a Afirka da ma wajenta. Yana da tasiri a ƙasashen DRC, Ghana da Guinea da Laberiys da Zambiya da kuma Zimbabwe.

Aiteo, ya zama babban kamfani da ke aiki a fannin samar da man fetur da gas, yana da cikakken tsarin aiki daga samar da wutar lantarki da rarraba kayayyakin man fetur.

Kamfanin yana aikin adana kayayyakin man fetur da samar da wutar lantarki da rarraba ta, ajiye LPG a manyan wurare da kasuwancin kayayyakin man fetur da rarraba su.

Aiteo Group yana da kamfani na samar da wutar lantarki – Aiteo Power Generation Company Ltd, wanda ya samu nasarar cin gasar Alaoji Power Generation Company. Wannan ya bayar da damar haɗa ayyukan kamfanin wajen gina cibiyar samar da wutar lantarki a yankin Neja Delta. Sannan yana amfani da wutar lantarki da albarkatun gas daga wuraren haƙar mai.

Peters yana shirin bunƙasa amfani da gas da man fetur da kwal ta hanyar samar da wutar lantarki da rarraba ta a Nijeriya da sauran ƙasashen Afirka ta Yamma. Wannan shirin yana nufin samar wa mutane miliyan 7.6. tsayayyiyar wutar lantarki. Shirin samar da wutar lantarki zai mayar da hankali a Afirka kuma yana fatan samar da wutar lantarki a duk faɗin nahiyar.

Manufar Peters ita ce ganin cewa manyan rukunin gas na Afirka an bunƙasa su gaba ɗaya, ta yadda wutar lantarki za ta samu a ko’ina a faɗin nahiyar.

Kamfaninsa yana ƙoƙarin haɓaka dukkanin ayyukansa ta hanyar haɗin guiwa da manyan kamfanoni na duniya domin warware matsalolin gas.

Wannan yana nufin zuba jari mai yawa a wuraren tattara gas da sarrafawa, samar da LPG, adana shi da rarrabawa. Kazalika yana gina bututun mai da sarrafa NGL da kuma sufuri.

Peters ya samu wata babbar nasara ta hanyar haɗin guiwa da NNPC wajen ƙaddamar da sabon nau’in mai, mai suna Nemb; ta wannan haɗin guiwa ne kamfanin ya ƙara yawan man fetur ɗin da yake samarwa.

Aiteo, wanda shi ne kamfani mafi girma wanda yake samar da man fetur a Afirka, yana taka muhimmiyar rawa a masana’antar mai ta nahiyar, inda yake samar da kusan ganga 100,000 a kowace rana da bayar da gudummawa fiye da kashi 5 cikin 100 na samar da man fetur na Nijeriya.

Peters ya samu wani babban fili wanda zai ke amfani da shi wajen samar da gas a Mazenga a ƙasar Mozambique, wanda shi ne mafi girma a ƙasar. Sayen ya kammala ne bayan yarjejeniya da kamfanin man fetur na ƙasar, Empresa Nacional de Hydrocarbon (ENH), wanda ya sa kamfanin Aiteo ya zama mai gudanar da aikin.

Peters ya faɗaɗa kasuwancinsa zuwa fannin haƙar ma’adanai ta hanyar Bravura Holdings. Ya zuba jari mai yawa a fannin uranium da platinum da lithium da azurfa da ƙarfe da kuma zinariya a faɗin Afirka.

Peters ya samu kyaututtuka masu tarin yawa, ciki har da lambar karramawa ta ‘Jagoran Man Fetur da Gas na Afirka’ daga Forbes a 2018. Sannan ya kasance ɗaya daga cikin fitattun mutane 50 masu tasiri a duniya.


Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp

Tags: #GwarzonShekara2024 #Award2024 #Leadership #LeadershipAward #Labarai AdelekeBenedict Peters
ShareTweetSendShare
Previous Post

Gwamnan Shekarar 2024: Sanata Ademola Jackson Nurudeen Adeleke

Next Post

Tinubu Ya Sha Alwashin Kawo Karshen Rikicin Manoma Da Makiyaya A Nijeriya

Related

Jama’a Suke Tona Asirin Gurɓatattun Jami’anmu – Kwamishinan ‘Yansandan Kano
Labarai

Jama’a Suke Tona Asirin Gurɓatattun Jami’anmu – Kwamishinan ‘Yansandan Kano

2 hours ago
Yawancin ‘Yan Siyasar Nijeriya Ba Su Da Tarbiyya – Sarki Sanusi II
Manyan Labarai

Yawancin ‘Yan Siyasar Nijeriya Ba Su Da Tarbiyya – Sarki Sanusi II

3 hours ago
Yanzu-yanzu: WAEC Ta Rufe Shafin Duba Jarabawar WASSCE 2025
Labarai

Yanzu-yanzu: WAEC Ta Rufe Shafin Duba Jarabawar WASSCE 2025

11 hours ago
Hukumar Kwastam Ta Kama Tankar Mai Dauke Da Buhunan Shinkafa A Kaduna
Labarai

Hukumar Kwastam Ta Kama Tankar Mai Dauke Da Buhunan Shinkafa A Kaduna

12 hours ago
Tinubu
Labarai

Tinubu Ya Bayar Da Umarnin Bayar Da Kiwon Lafiya Kyauta Ga ‘Yan Fansho Masu Karamin Karfi 

13 hours ago
Rundunar NSCDC Ta Kama Wani Da Ake Zargi Da Hada-hadar Miyagun Kwayoyi A Kano
Labarai

Rundunar NSCDC Ta Kama Wani Da Ake Zargi Da Hada-hadar Miyagun Kwayoyi A Kano

14 hours ago
Next Post
Tinubu Ya Sha Alwashin Kawo Karshen Rikicin Manoma Da Makiyaya A Nijeriya

Tinubu Ya Sha Alwashin Kawo Karshen Rikicin Manoma Da Makiyaya A Nijeriya

LABARAI MASU NASABA

An Bude Bikin Fina-Finan Kasar Sin A Zimbabwe

An Bude Bikin Fina-Finan Kasar Sin A Zimbabwe

August 7, 2025
Jama’a Suke Tona Asirin Gurɓatattun Jami’anmu – Kwamishinan ‘Yansandan Kano

Jama’a Suke Tona Asirin Gurɓatattun Jami’anmu – Kwamishinan ‘Yansandan Kano

August 7, 2025
Yawancin ‘Yan Siyasar Nijeriya Ba Su Da Tarbiyya – Sarki Sanusi II

Yawancin ‘Yan Siyasar Nijeriya Ba Su Da Tarbiyya – Sarki Sanusi II

August 7, 2025
Kasar Sin Ta Bayyana Adawa Da Ziyarar Boris Johnson A Taiwan

Kasar Sin Ta Bayyana Adawa Da Ziyarar Boris Johnson A Taiwan

August 6, 2025
Yanzu-yanzu: WAEC Ta Rufe Shafin Duba Jarabawar WASSCE 2025

Yanzu-yanzu: WAEC Ta Rufe Shafin Duba Jarabawar WASSCE 2025

August 6, 2025
Hukumar Kwastam Ta Kama Tankar Mai Dauke Da Buhunan Shinkafa A Kaduna

Hukumar Kwastam Ta Kama Tankar Mai Dauke Da Buhunan Shinkafa A Kaduna

August 6, 2025
Yadda Nijeriya Za Ta Ci Gajiyar Fara Yada Shirye-shiryenta Na Rediyo Da Sinanci

Yadda Nijeriya Za Ta Ci Gajiyar Fara Yada Shirye-shiryenta Na Rediyo Da Sinanci

August 6, 2025
Tinubu

Tinubu Ya Bayar Da Umarnin Bayar Da Kiwon Lafiya Kyauta Ga ‘Yan Fansho Masu Karamin Karfi 

August 6, 2025
Za A Watsa Shirin Talabijin Don Bayyana Tunanin Al’adu Na Xi Jinping

Za A Watsa Shirin Talabijin Don Bayyana Tunanin Al’adu Na Xi Jinping

August 6, 2025
Rundunar NSCDC Ta Kama Wani Da Ake Zargi Da Hada-hadar Miyagun Kwayoyi A Kano

Rundunar NSCDC Ta Kama Wani Da Ake Zargi Da Hada-hadar Miyagun Kwayoyi A Kano

August 6, 2025
Talla

© 2025 Leadership Media Group - All Right Reserved.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • Gida
  • Labarai
    • Manyan Labarai
    • Kananan Labarai
    • Masarautu
    • Bakon Marubuci
    • Dausayin Musulunci
    • Daga Kasar Sin
    • Nishadi
    • Noma Da Kiwo
    • Sana’a Sa’a
    • Tambarin Dimokuradiyya
    • Taskira
    • Daga Birnin Sin
    • Ado Da Kwalliya
  • Siyasa
  • Wasanni
  • Al’adu
  • Al’ajabi
  • Labaran Kasuwanci
  • Karanta cikin Turanci

© 2025 Leadership Media Group - All Right Reserved.