Ci Gaba Daga Makon Da Ya Gabata
Bayan haihuwa ke ‘ya mace ki sani kazanta ba taki bace, baki daya tsaftarki dole ki nunka ta, walau C/s akai miki ko kuwa da kanki kika haihu.
Musamman tsaftar mara, matse-matsi zuwa gaba kada ki yi wasa, saboda kin ga a lokacin kina fitar da abin da muke kira Lochia wanda ake kira jinin Nifasi, wato jinin haihuwa wannan na dada saki bulnerable to infection. Sannan ki guji amfani da kayan matsi da sauransu kasa da sati 12 na haihuwarki, idan ma ba za ki iya bari ba. Saboda in ma kin ki muna jiye miki tsoron endometritis ko sepsis.
- Ƙungiyar Lauyoyi Musulmi Reshen Kaduna Ta Yi Allah-Wadai Da Kisan Matafiya A Filato
- Kula Da Kanki Bayan Haihuwa Abu Ne Muhimmi
Kina iya yin wankanki koda a ranar da aka yi miki C/s ne, sai dai ya zamto kina da kayan gyaran jiki duk sanda kikai wanka gurin ya jike ki zauna ki cire audugar, da bandaji ki wanke gun da iodine ki canza sabon dressing din gun shikenan.
In ba ki da kayan yin hakan to ki guji jika gurin ake kebe shi in an zo wanka. Sannan duk bayan kwana 3 kya iya zuwa aduba ko a nemo ma’aikacin lafiya; a dai tabbatar gurin baya fid da ruwa inma yana ruwa to atabbatar bame jini-jini bane. Saboda gudun samuwar Surgical Site Infection da yana iya sa kwayoyin cuta su yi ta cin fatarki a hankali suna karawa gurin girma, ki zo ki shiga masifa. Ki lura da duk wani canji da za ki gani a wurin, kar ki yi kasa agwiwa kema likitar kanki ce.
Galibi bayan haihuwa cikin mata kan bude, kwai cin abinci. Babu komai hakan ba zai sa ki nauyi fiye da kima ba muddin kina shayarwa, nauyin ba zai canza daga yadda yake ba kafin ki ciki a baya.
Bayan kwana 3 zuwa 5 da haihuwa galibi mama ke fara cika tsir-tsir ya rika ciwo. Koda sha yaro yake yana zafi don haka ba matsala bane ki rika matsewa wani kaso saboda ki sami relief. Kada duk sanda kika ji ciwo ki ce dole dai jariri ya sha alhalin ya koshi, wannan ke sa su yawan tumbudi.
Muddin kika ji jaririnki na gyatsa tare da yawan tsilla fitsari hakan alamace ta kyakkyawar shayarwa don haka in mama na yi miki ciwo dalilin cika kike matsewa kina rage shi.
Za Mu CI Gaba Makon Zuwa Idan Allah Ya Kai Mu
