Babban hatsarin da haihuwa ke zuwa da shi dake jawo asarar rayukan mata bayan haihuwa shi ne zubar jini bayan haihuwar wato Post Partum Hemorrhage a likitance dake faruwa. Wannan shi ne lokacin da dariya ke rikidewa ta koma kuka, wato murna ta koma ciki, daga murnar haihuwa a koma kukan mutuwa.
Sau tari wanda bai sani ba zai tunanin fitar yaro shi ne haihuwa lafiya, shi ne mafi mahimmanci. Amma wannan ba shi ne haihuwa lafiya ba. Haihuwa lafiya shi ne a ga bayan fitar yaro Mahaifa ta murda ta harba wato contracton ta yadda hakan zai sanadiyar fitowar placenta wato (mabiyiya ko abin da Hausa kance uwa ta biya). Kai wani lokacin koda uwa ta biya akwai bukatar sai mahaifa ta yi wannan harbawar. Idan ba ta harba ba hakan ba zai sa jijiyoyin jini su toshe ba don haka mace za ta ci gaba da zubar da jini, wanda wannan shike kashe mace. Wani lokacin hatsarin placenta din ce ma ke manne mahaifar ta yadda in aka jawo sai de ta taho hade da mahaifar ta tidota. Shi ya sa haihuwa tsallake siradi ce ba karami ba.
- Gwamnatin Tarayya Ta Ƙaddamar Da Addu’ar Kwana 3 Don Samun Isasshen Abinci
- Kudaden Da Ake Karba A Kogin Hadejia Jama’are Daga Hannun Manoma, Ba Haraji Ba Ne – HJRBDA
Toh abin da ke taimaka wa wannan harbawar shi ne ai maza-maza ai stimulating maman mace, shi ya sa wani lokacin ma in mace na nakuda akan iya bukatar a kawo yaron da take shayarwa domin ya kama maman hakan zai taimaka wajen contraction din mahaifarta, ko kuma in ba yaro a ce mijinta ya tsaya ya rika kama mamanta, in babu duk daya sai dai nurses su yi mata.
To waccan hikimar ta stimulating nipple na da matukar mahimmanci har bayan haihuwa, wannan ta sanya game kallon fina-finan likitoci na haihuwa za ku ga da an ciro yaro cikin jininsa da komai za’a dora wa uwa shi ya kama mama domin ya taimakamata ya sa mahaifarta harbawa jinin haihuwa ya tsaya, wannan ita ce hikimar fata zuwa fata, nan da nan za ku ga likitoci sun dorasa a mama saboda hatsarin daka iya biyo baya.
Haka zalika wannan jinin haihuwar duk da an fi ganin zubarsa nan da nan bayan haihuwa cikin awa 24 na yini. Haka zalika kananan ma’aikatan lafiya ku sani yana iya faruwa tun daga bayan kwana 1 da haihuwa zuwa sati 6. Matuwar macen da aka san ta haihu kasa da sati 6 ta zo asibiti da complaint na zubar jini to ku sani yana iya kasancewa Post Partum Hemorrhage har sai in kun gano wani abun daban, don haka a lura da kyau, kar a dau zubar jini matsayin ba mai tsanani ba abu ba don kurum kila an yi satuttuka da haihuwa ko kwana 3 uku.
Haka zalika koda ba ki fuskanci matsalar zubar jini ba, ki daure ki shayar da jaririnki hakan zai ci gaba da sa mahaifarki harbawa ta taso daga mararki ta koma kasan cikinki cikin sati 2 da haihuwa, hakan zai rage miki tsananin ciwon mara duk da shayarwa akwai zafi wani lokacin.
Za Mu Ci Gaba Mako Mai Zuwa Insha Allahu
