Magoya bayan shugaban kasa Muhammadu Buhari a karkashin kungiyar magoya bayan shugaba Buhari da Yemi Osinbajo, sun bayyana goyon bayansu ga dan takarar shugaban kasa na jam’iyyar PDP Atiku Abubakar gabanin zaben na ranar Asabar.
Sun kuma roki ‘yan Nijeriya da a yafe musu sabida “rashin sani na goyon bayan jam’iyyar APC da kuma kafa gwamnatin da ta kawo matsin rayuwa ga ‘yan Nijeriya”
Mambobin kungiyar da suka fice daga APC zuwa PDP mai mulki, sun yi alkawarin yin aiki tukuru domin samun nasarar lashe zaben Atiku-Okowa.
Kodinetan kungiyar goyon bayan na kasa, Honarabul Danjuma Fachiwe Gwoza ne ya sanar da hakan tare da sauran mambobin kungiyar a wani taron manema labarai a Abuja, a ranar Laraba.
