Kwamishinan samar da ababen more rayuwa, filaye, da gidaje a Jihar Ondo, Raimi Olayiwola Aminu ya yi murabus daga mukaminsa.
Wannan na zuwa ne bayan rasuwar gwamnan jihar, Rotimi Akeredolu, sannan aka rantsar da Lucky Aiyedatiwa a matsayin sabon gwamnan Jihar Ondo a ranar Laraba.
- Ta Shiga Caji Ofis Ta Harbe Saurayinta Dan Sanda Har Lahira
- Buhari Zai Halarci Taron Tattaunawa Da Kungiyar Tuntuba Ta Katsina
Aminu ya bayyana matakin nasa ne a wata wasika da ya aike wa sakataren gwamnatin jihar, Gimbiya Oladunni Odu.
ADVERTISEMENT
Wasikar ta kara da cewa, “Na gode wa masoyinmu Arakunrin da mutanen jihar nan bisa damar da suka ba mu na yin aiki a majalisarsa.”
Aminu ya ce ya yanke shawarar ajiye mukamin ne biyo bayan rasuwar uban gidansa Arakunrin Oluwarotimi Odunayo Akeredolu.
Akeredolu ya rasu ne a ranar Laraba bayan ya sha fama da ciwon sankarar jini.
