Kotun sauraron laifuka na musamman da ke zamanta a Ikeja ta daure Jarumin masana’antar shirya fina-finai ta Kudancin Nijeriya ‘Nollywood’, Olanrewaju James, da aka fi sani da Baba Ijesha, shekara 16 a gidan gyara halinka bisa lalata da karamar yarinya ‘yar shekara 14 gami da cin zarafinta.
A hukuncin da Alkalin kotun Justice Oluwatoyin Taiwo ya yanke na tsawon awa biyu a ranar Alhamis, ya kama tare da daure Baba Ijesha ne bisa samunsa da laifin lalata da keta haddin karamar yarinya.
Alkali Taiwo ya wanke wanda ake zargin da daga tuhuma ta 1 da ta 6 da ake masa na fyade da karfin tsiya ga yarinya.
Sai dai kotun ta kamata Baba Ijesha da laifuka na 2,3,4 da na 5 da ake tuhumarsa tare da wankesa daga tuhuma ta 1 da ta 6.
Laifukan da ake zargin jarumin sun saba wa sashi na 135, 137, 261, 202, 262 da n 263 na kundin manyan laifuka da hukuncinsu ta jihar Legas na 2015 da ta tanadar da daurin rai-da-rai ga wanda aka kama da aikatawa.
Kodayake jarumin ya karyata dukkanin zarge-zarge da ake masa. Amma na’urar daukar hotu ta CCTV da aka nada da aka sanyawa a kotun ya nuna shi na da alaka da yarinyar.
