• English
  • Business News
Tuesday, July 8, 2025
Leadership Hausa
Read English News
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
  • Gida
  • LabaraiZafi
    • Kananan Labarai
    • Daga Kasar Sin
    • Dausayin Musulunci
    • Tambarin Dimokuradiyya
    • Manyan Labarai
    • Ado Da Kwalliya
    • Bakon Marubuci
  • Wasanni
  • Siyasa
  • Labaran Kasuwanci
  • Daga Birnin Sin
  • Nishadi
  • Ra’ayi Riga
  • Taskira
  • Al’ajabi
  • Al’adu
No Result
View All Result
Leadership Hausa
No Result
View All Result

Layya Babbar Ibada: Yadda Ake Gudanar Da Ita Da Matsayinta A Musulunci

by Nuhu Ubale Ibrahim
3 years ago
in Bakon Marubuci, Fatawa, Ilimi
0
Layya Babbar Ibada: Yadda Ake Gudanar Da Ita Da Matsayinta A Musulunci
Share on FacebookShare on TwitterShare on WhatsAppTelegram

Da Sunan Allah mai Rahama mai Jin ƙari. Yabo da godiya da kirari da girmamawa sun tabbata ga Allah Shi kaɗai. Yabon Allah da amincinsa su ƙara tabbata ga fiyayyen halitta, shugaban na farko da na ƙarshe tare alayensa da sahabbansa baki ɗaya.

Bayan haka:
Wannan rubutu zai ƙunshi bayani a kan layya a bisa fahimtar Mazhabar Imamu Maliku ɗan Anas, Imamu Daril Hijrati Allah ya ji ƙansa,watau Malikiyya. Na zaɓi rubutun ya zama a haka saboda Mazhabar Malikiyya ake bi a wannan yanki namu, tare da kuma ƙarfin hujjojin Mazhabar.

  • Layya Babbar Ibada A Musulunci Na 1
  • Layya Babbar Ibada A Musulunci Na 2
  • Layya Babbar Ibada A Musulunci Na 3

Layya sunna ce mai maƙarfi a Muslunci ga duk wanda ya samu iko, wannan ita ce magana mashahuriya a Malijiyya. Duba; Arrisãlatu (shafi na 107) da Attalƙīnu (shafi na 211) da Alma’ūnatu (1/484) da Addurarul Bahiyyati (shafi na 145) da Al’irshadu (shafi na 100).

Wannan sunnar mai ƙarfi ta ƙunshi namiji da mace waɗanda suke ‘ya’ya ba bayi ba. Duba ; Alkãfi (shafi na 236) da Assharhus Sagīr (2/339).

Manya da yara sunna ce mai ƙarfi su yi layya matuƙar suna da ikon yi. Duba Iziyya tare da Fathu Rabbil Bariyyati (shafi na 763) . Kuma yaro ko maraya ne zai iya neman majiɓincin al’amarinsa ya ya yi masa matuƙar yana da wadatar yi. Duba; Sharhul Iziyya na Sharnūbi (142).

Labarai Masu Nasaba

AI Zai Maye Gurbin Ayyuka Miliyan 92 A Duniya – Farfesa Pate

Abin Da Ya Sa Ilimi Yake Da Muhimmanci Ga Rayuwar Al’umma (8)

Saboda haka; layya ba sai mai aure ne yake yi ba, ibada ce mai girman gaske, samari da ‘yammata da zawarawa, da tuzurai za su iya yin ta, haka macen da take da aure kuma tana da sarari za ta iya yi koda mijinta ya yi, domin neman lada a wurin Allah Ta’ãlã matuƙar suna da iko. Layya tana daga cikin alamomi (sha’a’ir) na addinin Islama. Kuma tana da falalar gaske.

Layya ta fi ‘yanta uwa (‘yanta bawa) da sadaƙa falala saboda tana cikin sha’a’ir na Muslunci. Duba; Aljawãhiruz Zakiyyati (shafi na 143) da Addurarul Bahiyyati (shafi na 145).

Wata Fã’ida: A cikin malaman Malikiyya akwai waɗanda suke ganin layya wajibi ce ga duk mai iko. Kuma wannan magana ita ce shararren malami kuma ƙwararre a Malikiyya mashahurin malami Farfesa Mansur Sokoto Allah ya zama gatansa ya rinjaryar kuma ya fi ganin ingancin ta. Duba Muhd Mansur Sokoto; Fathu Rabbil Bariyyati (shafi na 767).

Ana layya ne da jinsin dabbobi na ni’ima guda huɗu kamar haka:
1. Tumaki
2. Awaki
3. Shanu
4. Raƙuma.

Mu haɗu a rubuta na 2 don sanin shekarun dabbar da za a yi layya da ita.

Dabbobin da ake layya da su, su ne tumaki da awaki da shanu da raƙuma. Duba Alma’ūnatu (1/484) da Aƙrabus Sãliki (shafi na 47) da Assamarud Dãnī ( shafi na 390-391) da Almuntaƙã Sharhul Muwaɗɗã (4/160)

Ana yin layya da tumaki idan suka cika sheka ɗaya suka shiga ta biyu koda da ‘yan kwanaki ne. Awaki kuma waɗanda suka cika sheka biyu ko kuma suka cika shekara ɗaya suka shiga ta biyu ko da wata ɗaya ne. Shanu kuma ana layya da su, idan suka cika shekara uku suka shiga ta huɗu, raƙuma kuma waɗanda suka cika shekara biyar suka shiga ta shida. Duba; Attaju Wal Iklil (4/463) Sharhus Sagīr (2/339) Masãlikul Jalãlati (2/822) da Assamarud Dãnī ( shafi na 390-391)

Za a iya layya da tumaki waɗanda suka cika wata shida zuwa goma mafi ƙaraci. Duba; Alkãfi (shafi na 237-238) da Alma’ūnatu (1/486)

Ana ganin shanun da suka cika shekara biyu suka shiga ta uku za a iya layya da su. Alkãfi (shafi na 238) da Alma’ūnatu ( 1/486).

Raƙumi idan ya cika sheka biyar ya shiga ta shida koda da rana ɗaya za a iya layya da shi. Sirãjus Sãliki (2/12) da Alkãfi (238).

Duk dabbar da bata cika Waɗannan shekaru da aka ambata ba, to bai halatta a yi layya da ita ba, idan kuma an yi da ita, to layyar bata yi ba. Almudawwanatul Kubrã (1/610).

A Malikiyya yin layya da tumaki ya fi falala sannan shanu sai kuma raƙuma. Duba; Attalƙīnu ( shafi 211) da Aƙrabus Sãliki ( shafi na 47).

Rago mai fari da baƙi mai manyan ƙaho ya fi kowanne falala a wajen layya a Mazhabar Malikiyya. Duba; Almuƙaddimut Muhimmãt (1/336)

A guji sayen dabbobin da ba su isa layya ba musamman shanu da raƙuma.

Mu haɗu a rubutu na uku don sanin sifofin dabbar layya.

Layya da tumaki da awaki ta fi falala a Malikiyya sannan shanu sai kuma raƙuma, amma tumaki sun fi awaki falala. Kuma maza na kowanne jinsin dabbobi da aka ambata ya fi mata falala. Duba; Alma’ūnatu Alã Mazhabi Ãlimil Madinati (1/485) da Arrisãlatu (shafi na 108) da Alkãfi (shafi na 238).

Ana yin layya ne da dabbar da take lafiyayyiya ƙosasshiya ban da gurguwa da gurguntakarta ta bayyana a fili, da mai ido ɗaya da rashin ganin idon ya bayyana a fili, ban da mara mai da ɓargo, ban da mara lafiya da rashin lafiyarta ta bayyana a fili. Duba; Muwaɗɗã Malik tare da Almuntaƙã Sharhul Muwaɗɗã (4/152-153) da Assamarud Dãnī (shafi na 392-393) da Aljawãhiruz Zakiyyati (shafi 144) da Alkãfi (shafi na 238) da Hashiyatud Dasūƙī ( 2/119) da Attaju Wal Iklil (4/336).

Waɗannan sifofi guda huɗu ijma’i ne a Mazhabar Malikiyya cewa ba a yin layya da duk dabbar da ta sifanta da wata sifa daga cikin sifofin. Duba; Assamarud Dãnī ( shafi na 393).

Fa’ida: Duk dabbar da take mahaukaciya , to ba za a yi layya da ita ba domin tana cikin marasa lafiya. Akwai wasu abubuwa na aibi da aka ambata da suke hana a yi layya da dabbar da take da su, amma akwai saɓanin a kan su, shi ya sa na kawar da kai daga ambatonsu, domin magana mafi inganci shi ne; basa hana a yi layya da dabbar da take da su.

Rubutawa, Ustaz Nuhu Ubale Ibrahim
(ABU RAZINA PAKI)


Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe

Shiga zaurenmu na WhatsApp

ShareTweetSendShare
Previous Post

Dattawan Arewa Masu Mutunci Su Sake Nazari Kan Makomar Yankin – Matasan Arewa A Kudu

Next Post

Bikin Sallah: Iyali A Yi Hakuri Da Yanayin Halin Rayuwa

Related

AI Zai Maye Gurbin Ayyuka Miliyan 92 A Duniya – Farfesa Pate
Ilimi

AI Zai Maye Gurbin Ayyuka Miliyan 92 A Duniya – Farfesa Pate

23 hours ago
Abin Da Ya Sa Ilimi Yake Da Muhimmanci Ga Rayuwar Al’umma (8)
Ilimi

Abin Da Ya Sa Ilimi Yake Da Muhimmanci Ga Rayuwar Al’umma (8)

3 days ago
Yawaitar Al’umma: Martanin Karl Marx Ga Rabaran Malthus
Bakon Marubuci

Yawaitar Al’umma: Martanin Karl Marx Ga Rabaran Malthus

4 days ago
JAMB Ta Ayyana 28 Ga Yuni Don Ɗaliban Da Za Su Sake Rubuta Jarabawa
Ilimi

JAMB Ta Ayyana 28 Ga Yuni Don Ɗaliban Da Za Su Sake Rubuta Jarabawa

2 weeks ago
Abin Da Ya Sa Ilimi Yake Da Muhimmanci Ga Rayuwar Al’umma (7)
Ilimi

Abin Da Ya Sa Ilimi Yake Da Muhimmanci Ga Rayuwar Al’umma (7)

2 weeks ago
WAEC Na Buƙatar Kwaskwarima
Ilimi

WAEC Na Buƙatar Kwaskwarima

2 weeks ago
Next Post
Iyali

Bikin Sallah: Iyali A Yi Hakuri Da Yanayin Halin Rayuwa

LABARAI MASU NASABA

Shugaban Kasa Yana Bibiyar Zanga-zangar Matsin Rayuwa – Minista

ADC: Tinubu Na Yunƙurin Raba Kawunan Masu Haɗaka Kafin Zaɓen 2027

July 8, 2025
Kashim Shettima Ya Mayar Da Martani Kan Tsadar Rayuwa

Nijeriya Ba Ta Da Sha’awar Yin Gwajin Makamin Nukiliya — Shettima

July 8, 2025
Da Ɗumi-Ɗumi: Osimhen Ya Amince Da Komawa Galatasaray Na Dindindin

Da Ɗumi-Ɗumi: Osimhen Ya Amince Da Komawa Galatasaray Na Dindindin

July 7, 2025
Sin Za Ta Ci Gaba Da Karfafa Hadin Gwiwar Kasa Da Kasa Kan Tinkarar Sauyin Yanayi

Sin Za Ta Ci Gaba Da Karfafa Hadin Gwiwar Kasa Da Kasa Kan Tinkarar Sauyin Yanayi

July 7, 2025
Ƙungiyar Al’ummar Igbo Ta Ohanaeze Ndigbo Ta Ce Tinubu Ya Fi Ƙarfin ‘Yan Jam’iyyar Haɗaka Ta ADC

Ƙungiyar Al’ummar Igbo Ta Ohanaeze Ndigbo Ta Ce Tinubu Ya Fi Ƙarfin ‘Yan Jam’iyyar Haɗaka Ta ADC

July 7, 2025
Sin Za Ta Gina Wuraren Cajin Ababen Hawa Masu Ingantaccen Lantarki

Sin Za Ta Gina Wuraren Cajin Ababen Hawa Masu Ingantaccen Lantarki

July 7, 2025
NiMet Ta Yi Hasashen Cikin Watan Yulin 2025 Za A Tabka Ambaliyar Ruwan Sama A Jihohin Nijeriya 19

NiMet Ta Yi Hasashen Cikin Watan Yulin 2025 Za A Tabka Ambaliyar Ruwan Sama A Jihohin Nijeriya 19

July 7, 2025
Sin Ta Kafa Kungiyar Masana Masu Binciken Sararin Samaniya Mai Zurfi Ta Farko

Sin Ta Kafa Kungiyar Masana Masu Binciken Sararin Samaniya Mai Zurfi Ta Farko

July 7, 2025
Xi Ya Ajiye Furanni Ga Wadanda Suka Mutu Yayin Yakin Bijirewa Harin Japan

Xi Ya Ajiye Furanni Ga Wadanda Suka Mutu Yayin Yakin Bijirewa Harin Japan

July 7, 2025
Asibiti Mai Zaman Kansa A Kano Zai Fara Aikin Manyan Tiyatu Tare Da Rage Kuɗi Kaso 50%

Asibiti Mai Zaman Kansa A Kano Zai Fara Aikin Manyan Tiyatu Tare Da Rage Kuɗi Kaso 50%

July 7, 2025
Talla

© 2025 Leadership Media Group - All Right Reserved.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • Gida
  • Labarai
    • Manyan Labarai
    • Kananan Labarai
    • Masarautu
    • Bakon Marubuci
    • Dausayin Musulunci
    • Daga Kasar Sin
    • Nishadi
    • Noma Da Kiwo
    • Sana’a Sa’a
    • Tambarin Dimokuradiyya
    • Taskira
    • Daga Birnin Sin
    • Ado Da Kwalliya
  • Siyasa
  • Wasanni
  • Al’adu
  • Al’ajabi
  • Labaran Kasuwanci
  • Karanta cikin Turanci

© 2025 Leadership Media Group - All Right Reserved.