Kyaftin din tawagar kwallon kafa ta Argentina ya zama daya daga cikin yan wasa biyu da sukafi kowa jefa kwallaye a tarihin gasar kofin Duniya bayan ya zura kwallo uku rigis a wasan farko na rukunin J da suka buga da kasar Algeria a Yau Laraba, kafin yanzu tsohon dan wasan Germany Miroslav Klose ne kadai ya taba kai wannan mataki a tarihin gasar kofin Duniya.
Kafin wasan na ranar Laraba Messi ya zura kwallaye 13 a wasannin kofin Duniya da ya buga, amma bayan kwallaye uku da yaci yasa ya koma matsayi na farko tareda Klose da kwallaye 16 a jadawalin yan wasanda sukafi zura kwallaye a madaukakiyar gasar kwallon kafar, Argentina ta fara kokarin kare kambunta na Duniya da kafar dama bayan dare matsayi na daya a rukunin J da maki uku da kwallo uku.
Wannan ne karo na farko da dan wasa daya ya jefa kwallo uku a cikin wasa guda a wannan gasar kofin Duniya ta bana, yayinda Messi ke tunkarar shekaru 40 a Duniya, akwai alamar har yanzu akwai sauran gudunumawar da zai iya baiwa kasarsa ta Argentina idan bukatar hakan ta taso, wannan ne wasa na 200 da tsohon dan wasan na Fc Barcelona ya wakilci kasarshi, Messi ya lashe gasar Copa America sau 1, gasar kofin Duniya 1 da kuma gasar Finalassinma sau 1.
Discussion about this post