Mataimakin Shugaban Bankin Duniya: Tattalin Arzikin Sin Zai Kara Bunkasa A Bana

Kwanan nan ne, mataimakin shugaban bankin duniya, Axel van Trotsenburg ya zanta da wakilin babban rukunin gidan rediyo da talabijin na kasar Sin (CMG) a birnin Davos na kasar Switzerland, inda ya bayyana cewa, gudanar da shawarwari tsakanin kasashen Sin da Amurka, da lalibo hanyoyin hadin-gwiwarsu, kyakkyawan albishiri ne ga kasashe masu tasowa, kana, ya yaba da kyautata matakan kandagarkin annobar COVID-19 da kasar Sin ta yi. Yana mai imanin cewa, hakan zai kara samar da ci gaban tattalin arzikin duniya.

Gina Al‘ummar Sin Da Afirka Mai Koshin Lafiya Ba Batu Ne Na Fatar Baki Ba 

Axel van Trotsenburg ya ce, a matsayinsu na manyan kasashe biyu mafiya karfin tattalin arziki a duniya, yin shawarwari na dogon lokaci tsakanin Sin da Amurka, na da matukar muhimmanci ga kamfanonin kasa da kasa, kuma kokarinsu na neman hadin-gwiwa a wasu fannoni, labari ne mai dadi ga kasashe masu tasowa da dama.
Ya kara da cewa, kyautata manufofin dakile yaduwar cutar COVID-19 da gwamnatin Sin ta yi, zai kara samar da makoma mai haske ga karuwar tattalin arzikin kasar da na duniya baki daya. (Murtala Zhang)