Cathy Ferguson, matar tsohon kocin Manchester United Sir Alex Ferguson, ta rasu tana da shekaru 84 a duniya.
Ma’auratan sun yi aure a 1966, inda suka shafe shekaru 57 a matsayin mata da miji, kuma sun haifi ‘ya’ya maza uku, ciki har da shugaban Peterborough Darren Ferguson.
- Yadda Aka Farfado Da Tsohon Birnin Khiva
- Radadin Cire Tallafin Man Fetur: Kwan-gaba Kwan-baya Tsakanin Gwamnati Da Kungiyar Kwadago
“Mun yi matukar bakin ciki da tabbatar da rasuwar Lady Cathy Ferguson a jiya,” in ji wata sanarwa daga iyalan Ferguson.
An yi kasa da tutoci a Old Trafford zuwa rabi a matsayin alamar girmamawa, kuma kungiyoyin maza da mata za su sanya bakar riga a wasanninsu na karshen mako.
Manchester United a cikin wata sanarwa da ta fitar ta ce kowa a Manchester United yana mika sakon ta’aziyyarsa ga Sir Alex Ferguson da iyalansa bisa rasuwar Lady Cathy mata daya tilo ga Sir Alex a duk tsawon rayuwarsa.
