Ministar Yawon Bude Ido Ta Sha Alwashin Inganta Fannin Wajen Samar Da Kudin Shiga

Sabuwar ministar ma’aikatar yawon bude ido, Misis Lola Ade-John, ta ce za ta yi aiki tare da ma’aikatun gwamnati, hukumomi da sauran masu ruwa da tsaki don mayar da bangaren yawon bude ido ya zama babban hanyar samun kudaden shiga ga Nijeriya.

Ade-John ta bayyana hakan ne a ranar Litinin yayin ganawarta da gidan rediyon Nijeriya a Abuja jim kadan bayan kama aiki a ma’aikatarta.

• Zan Tabbatar Da Dawo Da Asalin Tsarin Abuja ‘Zan Tsaya Kan Kafafuna’, – Wike

Kamfanin dillancin labarai na Nijeriya (NAN) ya rahoto cewa Ade-John ta samu tarba daga babban sakatariyar ma’aikatar yada labarai da al’adu, Dr Ngozi Onwudiwe da shugabannin hukumomi da sassan ma’aikatar.

Ministar, ta ce yawon bude ido ya kunshi kasuwanci da hada kai da masu ruwa da tsaki, inda ta sake nanata cewa, za ta hada kai da masu zuba jari, da gwamnatoci, da jama’ar gari domin inganta fannin.

Sulaiman

+ postsBio

• Sulaiman

  Babu Wani Saɓani Tsakanin Osimhen Da Lookman – Ndidi
• Sulaiman

  Nasiha Ga Uwargida Kan Zafin Kishi (1)
• Sulaiman

  Tsohon Mataimakin Babban Sakataren MDD Ya Yaba Wa Dabarun Sin Kan Mulkin Kasa
• Sulaiman

  Gwamnatin Kaduna Ta Ƙaddamar Da Sabbin Matakan Dakile Haɗura A Titin Bypass