Shugaban Hukumar karbar korafe-korafe da yaki da rashawa ta Jihar Kano, Barista Muhyi Magaji Rimin Gado ya yi sammacin tsohon gwamnan jihar, Abdullahi Umar Ganduje domin amsa tambayoyi game da bidiyon Dala.
A 2017 ne jaridar Daily Nigerian, ta wallafa wasu jerin bidiyoyi da ke nuna Ganduje na cusa Dalar Amurka a aljihunsa.
- A Karon Farko Sanata Barau Ya Jagoranci Zaman Majalisar Dattawan Nijeriya
- Tinubu Ya Yi Garambawul Kan Dokokin Haraji
A cewar jaridar kudin cin hanci ne da gwamnan ke karba daga hannun ‘yan kwangila, amma Ganduje ya musanta.
ADVERTISEMENT
Sai a ranar Laraba, Muhyi ya sanar da cewa binciken kwararru ya tabbatar da ingancin bidiyon.
Da safiyar Alhamis ne kuma ya ce ya aike wa Ganduje sammaci domin amsa tambayoyi gaban hukumar.
