Mataimakin Shugaban Majalisar Dattawa, Sanata Barau Jibrin ya shugabanci zaman Majalisar Dattawa na ranar Alhamis.
Wannan shi ne karon farko da ya jagoranci zaman majalisar tun bayan bude ta ranar 13 ga Yunin 2023.
- Tinubu Ya Yi Garambawul Kan Dokokin Haraji
- Kamfanin Meta Mamallakin Facebook Ya Yi Wa Twitter Kishiya
Sanata Barau, ya shugabanci zaman majalisar ne kasancewar shugaban Majalisar Dattawa, Sanata Godswill Akpabio bai samu halartar zauren ba.
Mataimakin shugaban ya shiga zauren tare da rakiyar ragowar jagogori inda aka fara zaman da misalin karfe 11:00 na safe.
Yana zama kan kujerar shugabancin .ajalisar kuma sai takwarorinsa Sanatoci suka barke da sowa da tafi.
An ruwaito cewa Sanatan mai wakiltar Kano ta Arewa, ya jagoranci zaman majalisar cikin nutsuwa da walwala.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
