Da sanyin safiyar Laraba ne gobara ta tashi a wata kasuwa da ke kan titin Kirikiri, a yankin Olodi-Apapa a Jihar Legas, inda ta kashe mutum daya.
A cewar daraktan hukumar kashe gobara ta Jihar Legas, Adeseye Margaret, gobarar ta tashi ne da misalin karfe 03:28 na daren ranar Laraba, inda ta ce hukumar kashe gobara ta jihar Legas ne suka fara kai dauki.
- APC Ce Za Ta Lashe Zaben Gwamna A Filato –Gwamna Lalong
- Ministar Buhari, Gbemi Saraki Ta Musanta Sauya Sheka Zuwa PDP
Ta ce, “Da misalin karfe 03:28 na daeen ranar Laraba ne aka sanar da barkewar wata gobara a kasuwar Akere Ajegunle, a Legas.
“Da isowarsu, an gano cewa shagunan sayar da kayayyakin gyaran motoci sun yi kasa sosai, wanda hakan ya sa ma’aikatan kashe gobara na hukumar Sari-Iganmu da Ilupeju suka hada kai wajen shawo kan gobarar da ta tashi tare da ceto dukiyoyin mutane.
“Duk da haka, rundunar ‘yan sanda ta Tolu ta gano wani da ya rasa ransa.
“Har yanzu ba a gano musabbabin tashin gobarar ba, amma ana tsaka da bincike.”
