Tawagar Super Eagles ta Nijeriya ta doke Madagascar da ci 2-1 a wasan neman gurbin zuwa Gasar Kofin Nahiyar Afirka (AFCON).
An buga wasan ne a filin wasa na Godswill Akpabio da ke Uyo, Jihar Akwa Ibom, a ranar Juma’a.
George Ilenikhena na Al Ittihad da Moses Usor na LASK ne suka zura wa Nijeriya ƙwallaye, inda suka bai wa ƙasar maki uku.
ADVERTISEMENT
Bayan nasarar, Nijeriya ta koma matsayi na biyu a rukunin L da maki uku, maki ɗaya tsakaninta da Guinea-Bissau da ke kan gaba.
Kocin Super Eagles, Eric Chelle, ya yi amfani da wasu sabbin ’yan wasa a wasan, ciki har da Ilenikhena, wanda ya ci ƙwallonsa ta farko a tawagar Nijeriya.
Nijeriya za ta je Guinea-Bissau a mako mai zuwa domin buga wasan rukuni na gaba, yayin da Madagascar za ta karɓi bakuncin Tanzania.
