Ra’ayoyinku Da Fatanku Game Da Zaben Shugaban Kasa

Barkanmu da sake saduwa daku a wannan fili namu, a wannan makon mun kawo muku ra’ayoyinku ne a kan abubuwan da kuke fata tattare da zaben shugaban kasa da zai gudana gobe Asabar 25 ga watan Fabrairu 2023.

 Mahdee Bashir

Allah ya zaba mana mafi alkhairi, amin. Amma ni tunda wannan jaririiyar damokaradiya taki girma, kullum kasar tana walagigi toh, Soja su karba su taba tunda mulkin ya fi kama da tasu, amma zababbu suna ta gasa mana aya a hannu.

Mohammed Inuwa

Muna fatan a yi zabe lafiya cikin salama. Kuma a yi gaskiya a bawa talaka daman zaben wanda yake so. Allah ya bamu shugabanni masu tausayin mu, ameeen

Sameenu Reina J Dambatta

Allah ya sa a yi wannan zabe lafiya, ubangiji ya zaba mana shugabanni nigari, ina kuma kira ga ‘yan uwana matasa da mu guji tayar da hayaniya a lokachin zabe, kada mu bari wasu su yi amfani damu wajen tada zaune tsaye

Sani Ladan

Alhmdulilahi, fatan mu a wannan zabe da zai gudana ya zamo zaben da ya fi kowanne alkhairi, saboda muna cikin bukatar irin wannan shugabanni a wannan lokacin Nijeriya da ‘ya’yanta sun shiga dimuwa kasancewar sun gwada shugabanni kala-kala amma har yanzu zancen guda daya ne, zan baku ruwa, wuta, lafiya da sauransu, kullum maganar kenan to muna addu’ar wannan karon ya zama shugaban da zai zo ya karar da wannan matsaloli kacokan, Allah ya sa mu dace da shugaba mai adalchi da aiki tukuru.

Baban Khairat

Fatan Alheri, a yi chanchantan a duba nagartaccen wanda ake wa kyakyawar zato ba tare da banbancin yare jinsi ko addini ba, sai kuma iyaye su ja wa ‘ya’yansu kunne kan shiga bangar siyasa da shaye-shaye, da fatan Allah ya sa ayi zabe lafiya kuma ya bamu shugaba nigari.

Muhd Basheer Sa’ad

Fatan mu Allah ubangiji ya sa zabin da zamu yi ya zamo mai amfani a gare mu. Ba mai amfanar kansa da iyalin sa ba

Rchp Ahmad Shehu Babaldu

Fatan mu da adduar mu shi ne ayi zabe lafiya, a gama lafiya. Allah ya kuma zaba mana shugabanni nagari.

Abubakar Mohammed Joda

Allah ya zaba mana mafi alkhairi kawai ita ce addu’armu. Domin kuma ‘yan takaran gaba dayansu maneji ne, wasu kuma basu da kafasitin cin zabe. Mun bai wa Allah zabi kawai.

Aisha Muazu

Babban fata dai ayi a gama lafiya, Allah kade fitina. Kowa na da wanda yake so da kuma dalilin son, fatan dai Allah ya zaba mana wanda ya fi zama alkhairi a garemu, ba son ran mu ba, Allah bamu ikon yin biyayya ga wanda zai ci zaben. Allah kawo mana saukin wannan yanayi da muke ciki

Fauziya Umar Dauda

Allah ya zaba Mana shugabanni nigari, ya sa a gama lafiya, amin.

Engr Abdullahi Musbahu Dambatta

Fatan mu dai Allah ubangiji ya sa ayi zabe lafiya a gama lafiya, Allah kuma ya zaba mana shugabanni nagari

Khadija Muhammad

Rahama Allah ya kasance tare dà mu a ranar zabe ya kuma shige mana gaba

Sani Bello Kano

To abin fada a nan shi ne, Allah ya zaba mana mafi alkhairi koda ba shi muke so ba tunda mun zabi wanda muke so da kyautata masa zato amma ya keramu ya sa muka yi nadama kamar bayi, yandu kam sai dai mu barwa Allah zabi, sai dai zamu je mu zabi wanda muke ganin shi ne dama dama da cancanta a cikinsu ‘yan takarar sanan mu bisu da addu’a sai mu barwa Allah sauran ko me ya yi dai-dai ne

Abubakar S G Diso

Aallah ya sa a yi lafiya a gama lafiya, Ubangiji Allah ya ba mu shugabanni nagari masu tsoron Allah a zuci, muma mabiyan Allah ya shirye mu.

Mariya Jika

Allah ya zaba mana shugabanni nagari