Ronaldo Ya Ci Kwallo Ta 850 A Tarihin Kwallonsa

Cristiano Ronaldo ya zura kwallo ta 850 a tarihin kwallonsa yayinda Al Nassr ta lallasa Al Hazem da ci 5 – 1 a gasar Saudi Pro League ranar Asabar.

Ronaldo ya zura kwallo ta shida a wasanni uku da ya buga sannan kuma ya taimaka aka zura kwallaye biyu a gasar cin kofin zakarun Larabawa karo na uku a jere.

Haaland Ya Jefa Kwallo Uku Rigis A Ragar Fulham

Ronaldo mai shekaru 38 ya wallafa a shafinsa na yanar gizo cewa duk da ya ci kwallaye 850 har yanzu yana kan kidaya.

LABARAI MASU NASABA

FIFA Ta Dakatar Da Aiwatar Da Hukuncin Hana Folarin Balogun Buga Wasa

Lampard Zai Ci Gaba Da Zama A Coventry City

A yanzu Ronaldo ya zura kwallaye 26 a wasanni 30 a dukkan gasa a kungiyar Al Nassr hakan na nufin kwallo daya ne kawai bambanci kamar yada yayi a farkon rayuwarsa ta Real Madrid.

Abokin hamayyarsa Lionel Messi, a yanzu yana da kwallaye 818 a rayuwarsa.

Ronaldo ne dan wasan da ya fi zura kwallaye a gasar a bana da kwallaye shida, inda ya ke gaban tsohon dan wasan Liverpool Mane.