Gwamnatin Tarayya ta ayyana ranakun Litinin 17 da Talata 18 ga watan Yuni a matsayin ranakun hutu domin gudanar da bukukuwan babbar Sallah ta bana.
Da yake bayyana hakan a madadin Gwamnatin Tarayya, Ministan Harkokin Cikin Gida, Olubunmi Tunji-Ojo ya taya daukacin al’ummar Musulmi na gida da kuma na kasashen waje murnar sallah ta bana.
- Hukuma Ta Koka Da Yadda Masu Mulki Ke Tauye Hakkin Al’umma
- Majalisa Ta 10: Sanatoci 24 Da Suka Shekara Cur Ba Su Kawo Kudiri Ba
Hakan na kunshe ne cikin wata sanarwa mai dauke da sa hannun babban sakataren ma’aikatar Dokta Aishetu Gogo Ndayako.
Tunji-Ojo ya yi kira ga al’ummar Musulmi da su ci gaba da koyi da halayen zaman lafiya da kyautatawa da sadaukarwa kamar yadda Annabi Ibrahim (A.S) ya yi.
Ministan ya nanata cewa gwamnatin shugaba Bola Ahmed Tinubu ta dukufa wajen kare rayuka da dukiyoyin ‘yan Nijeriya baki daya.
Daga nan sai ya yi kira ga daukacin al’ummar Musulmi da ‘yan Nijeriya baki daya da su bai wa shugaban kasa hadin kai wajen kokarinsa na bunkasa tattalin arzikin kasa.
Yayin da yake yi wa al’ummar Musulmi barka da Sallah, Ministan ya shawarci daukacin ‘yan Njjeriya da su kuduri aniyar ciyar da kasar nan gaba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
