Sergio Ramos Ya Koma Kungiyar Sevilla Da Taka Leda

Sergio Ramos ya koma tsohuwar kungiyarsa ta Sevilla bayan barinta shekaru 18 da suka wuce.

Ramos ya shafe shekaru biyu a Paris St-Germain tun bayan barin Real Madrid da yayi a shekarar 2021.

Sergio Ramos Na Shirin Komawa Sevilla Da Taka Leda

Bayan da ya bar Paris St-Germain a lokacinda kwantiraginsa ya kare dan wasan mai shekaru 37 ya rattaba hannu kan yarjejeniyar shekara guda a Sevilla.

LABARAI MASU NASABA

FIFA Ta Tsallake Iyakarta Dangane Da Batun Dakatarwar Balogun – UEFA

FIFA Ta Dakatar Da Aiwatar Da Hukuncin Hana Folarin Balogun Buga Wasa

Wannan rana ce ta musamman a gareni domin komawa gida ko da yaushe abin farin ciki ne in ji Ramos wanda ya koma Sevilla da take matsayin karshe a gasar La Liga.

Ramos dai ya lashe kofin duniya da gasar cin kofin nahiyar Turai guda biyu tare da kasar Sipaniya, inda ya buga wasanni 180 a tarihi cikin shekaru 16, yayin da kuma ya dauki kofin zakarun turai hudu da Real Madrid.