Rundunar Sojin ƙasar nan ta tabbatar da kashe shahararren ɗan bindiga kuma na hannun daman Bello Turji, Alhaji Shaudo Alku a wani hari da aka kai da jiragen yaƙi.
Rundunar Operation Fasan Yama ce ta kai harin a ranar Lahadi 18 ga wannan watan nan na Mayu a wata maɓoyar ƴan bindiga da ke kusa da makarantar firamare a garin Tunfa da ke ƙaramar hukumar Isa a jihar Sokoto.
- Sojoji 20 Sun Ɓace Bayan Harin Da ISWAP Suka Kai Marte
- Sojoji Sun Kashe ‘Yan Bindiga 2, Sun Ƙwato Shanun Sata 1,000 A Taraba
A cewar rundunar sojin, ɗan bindiga Alku, ya zo Nigeriya ne sakamakon wata gayyatar taro da ƴan bindiga suka yi masa inda aka far musu a hanya tare da wasu kwamandodin ƴan bindigar.
Bello Turji dai yana cikin jerin sunayen ƴan bindigar da hukumomin tsaro a kasar nan suka bayyana suna nema ruwa a jallo.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
