Rana guda bayan ziyarar, Tiktok ya bukaci kotun kolin Amurka ta yi wa dokar, da za ta tilastawa mamallakansa ‘yan asalin China sayar da manhajar intanet ta aikewa da sakonnin bidiyo ko kuma rufe ta nan da wata guda, dakatarwar wucin gadi.
Shugaban Tiktok ya kai wa zababben shugaban Amurka Donald Trump ziyara, a cewar rahoton kafar yada labarai ta NBC.
- Mata Ku Dage Da Karatu Domin Tallafa Wa Rayuwarku Da Ta ‘Ya’yanku – Zahra’u Adam
- Wike Ya Bai Wa Asibitocin Gwamnati Umarnin Tallafa Wa Wadanda Turmutsitsin Abuja Ya Rutsa
A wani taron manema labarai, Trump ya ce yana kaunar manhajar ta Tiktok kuma gwamnatinsa za ta yi nazarin a kanta da kuma na yiyuwar dakatarwar.
Dokar, wanda Shugaba Joe Biden ya zartar a watan Afrilun da ya gabata, za ta dakatar da amfani da manhajar Tiktok a Amurka da dukkanin harkokin intanet matukar kamfanin Bytedance da ya mallake ta bai sayarwa Amurka da jarin manhajar ba nan da ranar 19 ga watan Janairu mai kamawa.
Tiktok ya bukaci a dakatar da wannan yunkuri yayin da yake kalubalantar hukuncin wata karamar kotun da ta tabbatar da dokar, da take bai wa Amurkawa kariya daga manhajojin makiya daga ketare, wacce ita ma za a iya daukaka kara a kanta zuwa kotun kolin.
Tiktok ya bukaci kotun kolin ta zatar da hukunci kan nan da 6 ga watan Janairu mai kamawa.
