Dakarun Sashen MNJTF sun kashe ‘yan ta’addar Daesh guda uku a yankin yammacin Afirka, a wani samame da suka kai a yankin tafkin Chadi.
An rawaito cewa Sojojin bataliya ta 86 ne suka kashe ‘yan ta’addar a yankin Malam Fatori na karamar hukumar Abadam ta jihar Borno a ranar Lahadin nan, 28 ga watan Mayu.
- An Kashe ‘Yan Boko Haram 47 A Arangamarsu Da Sojoji A Borno
- ISWAP Sun Kashe ‘Yan Gudun Hijira 3 Da Raunata Sojoji 8 Da Wasu 5 A Borno
Rahotannin leken asiri sun bayyana wa wani kwararre kan yaki da tada kayar baya kuma mai sharhi kan harkokin tsaro a tafkin Chadi, Zagazola Makama, cewa, an kwato bindigun AK-47 guda biyu daga hannun ‘yan ta’addar yayin da soja daya ya samu rauni a yayin arangamar.
An kai wadanda suka jikkata zuwa asibitin sojoji da ke Maiduguri domin kula da lafiyarsu.
