Daya daga cikin dattawan masana’antar Kannywood da suka jima a masana’antar kuma aka dade ana damawa dasu ya bayyana wasu batutuwa dangane da rayuwarsa a cikin wannan babbar masana’antar ta Kannywood wanda yana daga cikin wadanda suka shafe shekaru da dama a cikinta.
Ciroki a wata hira da ya yi da ‘yan jarida ya bayyana cewa a wani lokaci can baya sai da ya nemi sanin yadda ake hada kunun aya, domin ya samu wata hanyar samun kudi duba da cewar harkar Kannywood ta daina yi dasu wancan lokacin, Ciroki ya kara da cewar a lokacin da tauraruwarsu take haskawa a masana’antar sun yi kokarin ganin sun tallafa wa kananan jarumai domin su tsaya da kafafunsu.
- Muna Samun Nasarori A Yaki Da Gurbatattun Masana’antar Kannywood – Tijjani Asase
- An Ceto Ɗalibai 20 Da Aka Yi Garkuwa Da Su A Binuwe
Ba su yi wani tunanin cewar su tara wa kansu wani abu ba domin gaba, saboda a nasu tunanin muddin masana’antar Kannywood ta samu daukaka to wannan shi ne nasararsu, hakan ya sa ba su damu kansu a kan tara abin duniya ba a wancan lokacin.
Dangane da mi yasa mafi yawancin tsaofaffin jarumai a masana’antar su kan shiga wani kunci na rayuwa sakamakon talauci kokuma wani ciwo da ba za su iya neman maganinsa ba saboda rashin hali.
Ciroki ya ce ita fa harkar fim ha babba, ha karami ce domin kuwa a wasu lokutan idan aka sallameka kudin aikin da ka yi a wani fim din sai ka shafe watanni kana biyan bukatunka da wannan kudin,haka kuma a wasu lokutan sai ka ranci kudi a wajen wani kafin ka samu abin da za ka hau motar da za ta kaika gida bayan kammala daukar shirin fim in ji shi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
