Assalamu alaikum. Masu karatu barkanmu da sake haduwa a wannan makon, makon za mu duba yadda ake yin sana’ar PoS. Ita dai sana’ar ta PoS sana’a ce da ake samun kudi sosai kuma take da saukin shiga, ta wannan sana’a za ka iya samun 200,000 har zuwa 400,000 har ma fiye da haka a wata, gwargwadon jarinka da kuma wajen da kake gudanar da sana’ar.
Sana’ar PoS dai wata hanya ce da ke saukakawa jama’a mu’amala da kudi a madadin bankuna-wato ana tura kudi, ko a karbar, ko a bude sabon asusun ajiya na banki,har ma da yin lambar BVN a wasu wuraren. Yayin da mai PoS ke yi wa jama’a wannan hidima, shi kuma yana samun kamasho daga gare su.
- Kofin Duniya: Iran Ta Lallasa Wales Da Ci 2
- ‘Yan Nijeriya Na Ci Gaba Da Tafka Muhawara Kan Sabbin Takardun Kudin Da Aka Kaddamar
Babban bankin Nijeriya wato CBN ne ya lamunce wa bankuna da wasu kamfanoni masu zaman kansu su gudanar da wannan sana’a ta hanyar samar da wakilai wadanda za su yi mu’amala da mutane a madadinsu.
Hanyar shiga wannan sana’ar PoS abu ne mai sauki matuka, akwai hanyoyi uku da ake shiga wannan sana’a, ta farko ita ce hanyar bankuna, mafi yawancin bankunan da ke tarayyar kasar nan na daukar dillalai su wakilce su.
hanya ta biyu ita ce, kamfanoni masu daman kansu da babban bankin Nijeriya ke ba su lasisin gudanar da sana’ar a madadin su.misalin wannan kamfanoni sun hada da PAGA, OPAY, da sauran su, kuma suna da yawan gaske a wannan kasa.
Hanya ta uku ita ce,idan kana da kudi za ka iya sayen PoS da kudinka sai ka je bankin da kake bukata su hada ma ka shi da asusun ajiyarka.
yadda za ka zama dillali a bankin da kake bukata ko kake sha’awa,abu ne mai sauki kawai ka shiga kowanne reshen bankin mafi kusa da kai,ka bayyana musu sha’awarka ta zama dillali na su.bankunan sun ware shashen dake kula da wannan bangaren, don haka za su hada ka da jami’in da zai ma ka cikakken bayani.
Abin da za su bukata a wajenka shi ne, ka bude asusun ajiya a wajensu da wani adadin kudi, bayan ka gama za su bukaci ka yi downloading din application din bankin da su ke gudanar da sana’ar, wanda da shi ne za ka fara kafin su ba ka naurar PoS.
Wasu bankunan za su ba ka wa’adi target wato yawan kudin da za ka yi hada-hadarsu a kowanne wata kafin su ba ka naurar PoS, amma wasu bankunan ba ruwansu da hakan.
Wannan PoS da za su ba ka, kyauta ne wato ba za su bukaci wani kudi daga gare ka ba, sai dai matukar ba ka aiki da shi za su kwace kayansu, don kuwa kudi mai yawa su ka sanya su ka saya, sannan ka san yawan aikin da ka yi da shi yawan ribar da za ka samu haka nan bankin, kudin da za ka yi mu’amala da shi ba kudin da za ka yi mu’amala da shi ba na banki bane, kai ne za ka samu kudinka a matsayin jarinka.
Idan ka na da bukatar zama fillali ka yi da OPAY don ya fi sauki. Za ka yi downloading Opay application, wanda aka rubuta opay agent app don opay din guda biyu ne za su tambaye ka tambayoyi kamar suna, adreshinka, email, NIN dinka da sauran su.
Bayan ka yi rajista sai ka sa ka kudi a cikin wallet dinka na Opay daga nan komai ya zama daidaita za ka iya sayar da Data, katin waya, da kuma rajistar NECO da WAEC da sauransu.
