Yadda Ake Tuwan Amala Da Miyar Uwaidu

Assalamu alaikum masu karatu, barkanmu da sake haduwa da ku a wannan makon a cikin shirin na mu mai farin jini da albaka na Girki Adon Mata.

A yau shafin namu zai koya muku yadda ake Tuwan Amala da miyar Ewedu:

• Yadda Tashar Jirgen Ruwan Apapa-Moniya Za Ta Taimaka Wa Masu Safarar Fitar Da Kaya
• Sin Za Ta Kara Harajin Fito Kan Hajojin Amurka Da Ake Shigarwa Kasar Zuwa 125%

Amala da miyar Ewedu abinci ne da ake matukar so musamman a yankin Yarabawa na Nijeriya.

Ga dai abubuwan da ake bukata wajen hadawa:

Garin Alabo (garin danyen doya da aka busar)

Ga kuma yadda ake sarrafawa:

Da farko, a zuba ruwa a tukunya a sa a wuta domin ya tafasa.

A rage wuta kadan, sannan a zuba garin alabo a hankali cikin ruwan da ke tafasa, ana juyawa da muciya ko cokali ko leda mai kauri don kada ya yi kolalla.

A ci gaba da juyawa har sai ya hade sosai kuma ya zama mai laushi.

Idan yana da kauri sosai, sai a kara dan ruwan zafi kadan wanda dama kin rage, kuma a ci gaba da juyawa har sai ya yi laushi.

A rufe shi na ‘yan mintuna kafin a sauke.

Sai kuma yadda ake miyar Uwedu:

Iata ma ga abubuwan da ake bukata domin hada ta:

Ganyen Ewedu (fresh leabes)

Kanwa ko potash (dan kadan),Gishiri, Magi, yaji

Sai kuma yadda ake hadawa:

A gyara ganyen Ewedu, a wanke su da kyau.

Sannan a zuba ruwa kadan a tukunya, a sa kanwa ko potash, a sa a tafasa.

Idan ruwan ya tafasa, sai a zuba ganyen uwedu, a dafa na kimanin minti 5–7. A sauke, sannan a daka a cikin turmi ko a murza da blender idan ana so ya zama ya yi laushi. Sai a mayar da shi tukunya, a sa gishiri da maggi da yaji idan ana so, a dafa na minti kadan sai a sauke.

A ci dadi lafiya.

Za’a dan iya zuba miyar ja ko nama ko ganda ko kifi.