Assalamu alaikum masu karatu, barkanmu da sake haduwa da ku a wannan makon a cikin shirin na mu mai farin jini da albarka na Girki Adon Mata.
A yau shafin na mu zai koya musu yadda hada garin sakwara.
- Xi Jinping Ya Tattauna Da Shugaban Gwamnatin Jamus Friedrich Merz
- Ta Yaya Kasashe Masu Tasowa Za Su Iya Tinkarar Yakin Haraji Da Amurka Ta Tayar?
Da farko za ki samu Doya ki wanke kasar bayanta sosai, sai ki yayyanka ta a kwance sannan ki bare bayan, sai ki yayyanka ta fale-fale kamar za ki yi yankan suya amma kar ta yi kauri saboda ta yi saurin bushewa.
Bayan kin gama zuba mata ruwan zafi tafasasshe ki rufe ya yi kamar minti 5, sai ki kwashe ki zuba a kwando domin ta tsane ruwan, sai ki kai ta rana ta bushe, idan ana rana yini daya ma ya ishe ta ta bushe, idan ba ta bushe ba za ki sake fitar da ita rana washegari ta karasa bushewa.
Daga nan idan kina da bilanda za ki iya nikawa, ko kuma ki kai nika a inji ya yi laushi sosai.
Idan ajiyewa za ki yi sai ki samu roba mai murfi, ki rufe sosai saboda kada ta yi kwari.
Yadda za ki tuka:
Sai ki dora ruwa a wuta, ya tafasa ki dauko garin doyar, ki rage wuta kina zubawa da kadan-kadan kina tukawa har ya tuku, ki tabbatar bai yi kulalai ba duk kin tuke shi, sai ki dan zuba ruwa kadan ki daddanna ki rufe ki barshi ya yi kamar minti 15, sai ki sauke ki sake tukawa, ki samu leda ki kwashe abinki, shi kenan kin kammala.
