An harbe dagacin kauyen Maigari da ke karamar hukumar Rimin Gado a Kano, Dahiru Abba.
An harbe dagacin kauyen Maigari da ke karamar hukumar Rimin Gado a Kano, Dahiru Abba.
- ‘Yansanda Sun Cafke Ali Madakin Gini, Kan Zargin Amfani Da Bindiga A Yakin Zaben NNPP Na Kano
- Masana Sun Kara Fito Da Dabarun Noman Shinkafa Ta Yadda Za A Kara Samun Riba
Dan sa wanda shi ne Shugaban Karamar Hukumar Rimin Gado, Barista Munir Dahiru Maigari, ya tabbatar wa Jaridar Daily Trust faruwar lamarin.
Maigari ya ce, “Abin ya faru ne da misalin karfe biyu na dare inda suka zo suka yi abin da suka yi.
“Ba za mu iya cewa komai ba dangane da musabbabin abin da ya faru a yanzu, amma ya rasu kuma muna addu’ar Allah ya jikansa da rahama.”
Ya kara da cewa ‘yan bindigar sun kutsa cikin gidan dagacin inda suka far masa suka bude masa wuta.
Ya bayyana cewa za a yi jana’izarsa a gidansa da ke kauyen Maigari da a yau Lahadi.
Da aka tuntubi jami’in hulda da jama’a na rundunar ‘yan sandan, SP Abdullahi Haruna Kiyawa, ya ce bai san da faruwar lamarin ba amma zai yi bincike kan lamarin.
Kano dai na data daga cikin Jihohin da suke cikin kwanciyar hankali a tabarbarewar tsaro a yankin Arewa maso Yamma.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
