Mataimakin shugaban kasa, Kashim Shettima ya soke shirinsa na zuwa kasar Amurka domin halartar taron koli kan kasuwanci tsakanin Amurka da Afirka na shekarar 2024 a birnin Dallas na jihar Texas.
Babban mataimaki na musamman ga mataimakin shugaban kasa kan harkokin yada labarai, Stanley Nkwocha ne ya bayyana hakan a wata sanarwa a ranar Litinin, inda ya kara da cewa, yanzu ministan harkokin kasashen waje, Ambasada Yusuf Maitama Tuggar ne zai wakilci shugaban kasa Bola Ahmed Tinubu a taron koli da za a yi a Amurka.
- Bullar Annobar Cutar Kyanda Ta Tilasta Rufe Makarantu A Adamawa
- Gobara Ta Kone Wani Sashe Na Gidan Tsohon Gwamna Shekarau A Kano
Nkwocha ya bayyana cewa, Kashim Shettima wanda tun farko aka shirya tafiyarsa don wakiltar shugaba Tinubu, an soke tafiyar ne “bayan gano wata matsala da jirginsa ya samu, lamarin da ya tilasta soke tafiyar bisa shawarar masu kula da jirgin.”
Ya kuma kara da cewa, yanzu mataimakin shugaban kasar zai cigaba da gudanar da wasu ayyuka na kasa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
