Muna Kan Kokarin Magance Matsalar Hauhawar Farashin Kayan Masarufi —Buhari

Shugaba Muhammadu Buhari ya bayyana cewa, Gwamnatinsa na kan yin duk mai yiwuwa wajen magance hauhawar farashin kayan masarufi a daukacin fadin Nijeriya.

Buhari ya bayyana hakan ne a Abuja a yayin bude taron ma’aikatun gwamnatin Tarayya karo na Uku dake yin nazari kan ayyukan da gwamnatin Buhari ta wanzar na kudurori 9.

• Takaddama: Mawakin Buhari, Rarara Ya Fara Yi Wa Ganduje Gugar-Zana

Shugaban ya ce, muna kan yin dukkan mai yiwuwa domin ganin mun magance hauhawar farashin kayan masarufi a daukacin fadin kasar nan.

A bisa kididdigar da hukumar kididdiga ta kasa ta fitar NBS a kwanan nan, ta nuna cewa, hauhawar farashin kayan masarufi ya karu zuwa kashi 20.77 cikin 100 a cikin watan Satumba.